حیدرآباد: BR Ambedkar کے 125 فٹ بلند مجسمے کو خراج عقیدت پیش کرنے کے لیے پہنچی بی آر ایس ایم ایل سی کویتا کو پولیس نے ابتدا میں روک دیا۔ واقعہ حیدرآباد میں پیش آیا جب کویتا مجسمے کے پہلے منزل کی جانب بڑھ رہی تھیں۔
پولیس نے انہیں اور ان کے ساتھیوں کو پہلی منزل پر جانے کی اجازت نہیں دی، جس پر بی آر ایس قائدین اور کارکنان نے وہیں بیٹھ کر احتجاج کیا اور جے بھیم کے نعرے بلند کیے۔
اس موقع پر پولیس اور کارکنان کے درمیان ہلکی نوک جھونک بھی ہوئی۔ بعد ازاں پولیس نے ایم ایل سی کویتا سمیت چند افراد کو پہلی منزل تک جانے کی اجازت دے دی، جہاں انہوں نے BR Ambedkar کے مجسمے کو خراج عقیدت پیش کیا۔
یہ واقعہ ایسے وقت پیش آیا ہے جب ریاست میں سماجی انصاف اور آئینی اقدار کے بارے میں عوامی سطح پر بحث جاری ہے۔ پولیس کی ابتدائی مداخلت پر بی آر ایس کارکنان نے ناراضی کا اظہار کیا، لیکن بعد میں اجازت ملنے پر صورتحال پرامن ہوگئی۔
حکام کی جانب سے اس واقعہ پر کوئی باضابطہ بیان سامنے نہیں آیا ہے، تاہم سیاسی حلقوں میں اس کو لے کر بحث جاری ہے۔
ملک اور ریاست بھر میں تمام سیاسی پارٹی کے قائدین نے آئین ساز لیڈر بی آر امبیڈ کر کی یوم پیدائش کے موقع پر اُنہیں خراج عقیدت پیش کیا جا رہا ہے۔
