حیدرآباد: انڈیا میٹرولوجیکل ڈیپارٹمنٹ
(IMD) نے ہفتہ کو چار ریاستوں — چھتیس گڑھ، جھارکھنڈ، مغربی بنگال اور اوڈیشہ — کے لیے ہیٹ ویو کا الرٹ جاری کیا ہے۔ مشرقی بھارت کے کچھ علاقوں میں درجہ حرارت میں اضافے کے پیش نظر یہ انتباہ جاری کیا گیا ہے۔
قومی دارالحکومت دہلی میں ہفتہ کی صبح کم سے کم درجہ حرارت 15.5 ڈگری سیلسیس ریکارڈ کیا گیا، جو موسمی اوسط سے 2.6ڈگری کم ہے۔
پہاڑی علاقوں سے آنے والی ٹھنڈی ہواؤں کے باعث راجستھان میں جمعہ کو درجہ حرارت میں 7 ڈگری کی نمایاں کمی دیکھی
گئی۔ آج دہلی، پنجاب، چندی گڑھ، راجستھان سمیت شمال مغربی ریاستوں میں تیز ہوائیں چلنے کا امکان ہے، جس سے درجہ حرارت میں مزید 3 ڈگری تک کی کمی ہو سکتی ہے۔
مدھیہ پردیش میں اپریل کے آغاز میں ہلکی بارش ہو سکتی ہے۔ محکمہ موسمیات نے بھوپال، اندور، نرمداپورم اور جبل پور ڈویژن کے 13 اضلاع میں موسم کی تبدیلی کا امکان ظاہر کیا ہے۔ وہیں، چھتیس گڑھ کے راجنندگاؤں میں جمعہ کو درجہ حرارت 43 ڈگری سیلسیس تک پہنچ گیا۔
