حیدرآباد: عالمی سطح پر آئی ٹی خدمات اور ڈیجیٹل ٹرانسفارمیشن کے میدان میں معروف کمپنی NTT DATA اور آرٹیفیشل انٹیلیجنس پر مبنی کلاؤڈ پلیٹ فارم کمپنی نائسا نیٹ ورکس نے حیدرآباد میں AI ڈیٹا سینٹر کلسٹر کے قیام کے لیے 10,500 کروڑ روپۓ کی مشترکہ سرمایہ کاری کا اعلان کیا ہے۔
یہ قدم جاپان کے شہر ٹوکیو میں ہونے والے ایک اعلیٰ سطحی اجلاس میں اٹھایا گیا، جہاں تلنگانہ حکومت، NTT DATA اور نائسا نیٹ ورکس کے درمیان سہ فریقی یادداشت مفاہمت پر دستخط کیے گئے۔ اس اجلاس میں وزیر اعلیٰ اے ریونت ریڈی، NTT DATA اور نائسا کے اعلیٰ عہدیدار بھی موجود تھے۔
تلنگانہ میں ڈیجیٹل ترقی کی نئی راہ | NTT DATA
حیدرآباد میں قائم ہونے والا یہ ڈیٹا سینٹر کلسٹر 400 میگاواٹ کی صلاحیت رکھتا ہوگا اور 25,000 جی پی یوز کے ساتھ ملک کا سب سے بڑا سپر کمپیوٹنگ انفراسٹرکچر فراہم کرے گا۔ اس منصوبے کا مقصد تلنگانہ کو آرٹیفیشل انٹیلیجنس کا قومی مرکز بنانا ہے۔
NTT DATA اور نائسا نیٹ ورکس اس کلسٹر کو AI-First سلوشنز کے لیے ایک اختراعی مرکز کے طور پر استعمال کریں گے۔ منصوبہ 500 میگاواٹ تک کے گرڈ اور قابل تجدید توانائی کے امتزاج سے چلایا جائے گا اور لیکویڈ ایمرشن کولنگ جیسی جدید ٹیکنالوجی کو شامل کرے گا۔ یہ پروجیکٹ اعلیٰ ماحولیاتی، سماجی اور حکمرانی (ESG) معیارات کے تحت مکمل کیا جائے گا۔
یہ کلسٹر ریاستی تعلیمی اداروں کے ساتھ شراکت داری کے ذریعے AI صلاحیتوں کے فروغ میں اہم کردار ادا کرے گا اور ریاست کے ڈیجیٹل پبلک انفراسٹرکچر مشن کو تقویت دے گا۔
وزیر اعلیٰ ریونت ریڈی نے اس سرمایہ کاری پر اطمینان کا اظہار کرتے ہوئے کہا کہ ریاست کی صنعت دوست پالیسیاں، قابل اعتماد بجلی کی فراہمی، سنگل ونڈو منظوری کا نظام اور ہنرمند افرادی قوت سرمایہ کاروں کو راغب کر رہے ہیں۔ انہوں نے یہ بھی کہا کہ AWS، STT، ٹلمین ہولڈنگز اور CTRLS جیسے بڑے ڈیٹا سینٹر منصوبوں کی موجودگی میں NTT DATA کی شراکت داری حیدرآباد کو ایک مضبوط ڈیٹا سینٹر حب بنائے گی۔
ٹوکیو میں قائم NTT DATA دنیا بھر میں IT خدمات، ڈیٹا سینٹرز اور ڈیجیٹل ٹرانسفارمیشن میں مہارت رکھتی ہے۔ یہ کمپنی 50 سے زائد ممالک میں 1,93,000 سے زیادہ ملازمین کے ساتھ دنیا کی سرفہرست ڈیٹا سینٹر فراہم کنندگان میں شامل ہے، اور بینکاری، صحت، صنعتی پیداوار، عوامی خدمات اور ٹیلیکام جیسے شعبوں میں خدمات فراہم کرتی ہے۔
نائسا نیٹ ورکس ایک AI-First کلاؤڈ پلیٹ فارم کمپنی ہے جو خصوصی طور پر آرٹیفیشل انٹیلیجنس پر مبنی کمپیوٹ سلوشنز کی فراہمی پر مرکوز ہے۔
జపాన్లో పర్యటిస్తున్న ముఖ్యమంత్రి @revanth_anumula గారి నేతృత్వంలోని తెలంగాణ రైజింగ్ ప్రతినిధి బృందం రాష్ట్రానికి మరో రూ.10,500 కోట్ల భారీ పెట్టుబడిని సాధించింది. డిజిటల్ ట్రాన్స్ఫర్మేషన్, ఐటీ సేవల్లో ప్రపంచ ప్రఖ్యాతి గడించిన ఎన్టీటీ డేటా (@NTTDATA), అర్టిఫిషియల్ ఇంటెలిజెన్స్… pic.twitter.com/pn2GMQAlOR
— Telangana CMO (@TelanganaCMO) April 18, 2025
