حیدرآباد: تلنگانہ میں سرکاری اسکولوں میں زیر تعلیم طلبہ کے آنکھوں کے معائنے کا خصوصی پروگرام جاری ہے، جس کا مقصد بینائی کے مسائل کی جلد نشاندہی اور ان کے حل کو یقینی بنانا ہے۔
اس مہم کے تحت، جن طلبہ کو بینائی سے متعلق مسائل درپیش ہیں، انہیں مزید معائنے کے لیے اسپتالوں سے رجوع کروایا جا رہا ہے۔ ماہرینِ چشم ان بچوں کے آنکھوں کی مکمل جانچ کے بعد ضروری اقدامات کریں گے۔ بصارت کے کمزور بچوں کو مفت عینک بھی فراہم کی جائے گی تاکہ ان کی تعلیمی کارکردگی متاثر نہ ہو۔
حکومت کی جانب سے شروع کردہ اس اقدام کا مقصد طلبہ کی صحت کا تحفظ اور تعلیمی معیار میں بہتری لانا ہے۔ ماہرین کے مطابق، وقت پر بینائی کے مسائل کی تشخیص سے بچوں کو تعلیمی مشکلات سے بچایا جا سکتا ہے۔
