حیدرآباد: میڈچل ضلع کے جگت گیری گٹہ کے الوین کالونی میں ایک افسوسناک حادثہ [en]Jagathgirigutta Accident[/en] کے دوران 10 سالہ لڑکا اسکول بس کی زد میں آکر جاں بحق ہو گیا۔
متوفی کی شناخت جیشت چوہان کے طور پر کی گئی ہے، جو سائیکل چلاتے ہوئے توازن کھو بیٹھا اور سڑک پر گر گیا۔ اسی دوران ایک اسکول بس وہاں سے گزر رہی تھی، جس کے پہیوں کے نیچے آکر وہ موقع پر ہی دم توڑ گیا۔
حادثہ کی مکمل ویڈیو سی سی ٹی وی کیمروں میں قید ہو گئی ہے، جس کی مدد سے پولیس نے واقعہ کی تحقیقات شروع کر دی ہے۔ پولیس نے اسکول بس کے ڈرائیور کے خلاف مقدمہ درج کرتے ہوئے قانونی کارروائی کا آغاز کر دیا ہے۔
یہ واقعہ مقامی سطح پر شدید غم و غصہ کا باعث بنا ہے، جب کہ رہائشیوں نے اسکولی گاڑیوں کی لاپرواہ ڈرائیونگ اور بچوں کی حفاظت کو نظر انداز کرنے پر انتظامیہ سے فوری اقدام کا مطالبہ کیا ہے۔
حکام نے عوام سے اپیل کی ہے کہ وہ بچوں کو سائیکل چلانے کے دوران ہیلمٹ پہننے اور سڑک پر احتیاط برتنے کی ترغیب دیں، تاکہ ایسے المیہ واقعات سے بچا جا سکے۔
