حیدرآباد: تلنگانہ میں اینٹی کرپشن بیورو [en]Telangana ACB[/en]نے رواں سال کے پہلے چھ ماہ کے دوران رشوت خوری کے 122 کیسز درج کیے ہیں، جو 2024 کے مکمل سال کے اعداد و شمار سے بھی تجاوز کر چکے ہیں۔ اے سی بی کے داخلی رپورٹس کے مطابق، سرکاری ملازمین میں رشوت لینے کے واقعات میں نمایاں اضافہ دیکھا گیا ہے۔
افسران کے مطابق، بیورو کو ریاست کے دور دراز علاقوں سے شکایات موصول ہو رہی ہیں اور ٹیمیں فوری کارروائی کرتے ہوئے بیشتر معاملات میں ملزمان کو رنگے ہاتھوں گرفتار کر رہی ہیں۔
اعداد و شمار کے مطابق، روزانہ اوسطاً تین سرکاری ملازمین کو رشوت لیتے ہوئے گرفتار کیا جا رہا ہے۔ اے سی بی نے نگرانی اور فیلڈ کارروائیاں تیز کر دی ہیں، اور جنوری سے اب تک درجنوں سرکاری اہلکاروں پر کرپشن کے مقدمات درج کیے جا چکے ہیں۔
گزشتہ سال کے دوران اے سی بی نے کل 129 ٹریپ کیسز درج کیے تھے، جبکہ 2025 کے صرف چھ ماہ میں یہ تعداد پہلے ہی 122 تک پہنچ چکی ہے۔ اب تک گرفتار ہونے والوں میں زیادہ تر نچلی اور درمیانی سطح کے انتظامی عہدے دار شامل ہیں۔
ماہرین کے مطابق، ان گرفتاریوں میں اضافے نے عوامی سطح پر حکومت کے دفاتر میں بدعنوانی کے پھیلاؤ پر تشویش پیدا کر دی ہے۔ مبصرین نے اسے سرکاری اداروں کی ساکھ کے لیے ایک سنگین خطرہ قرار دیا ہے۔
اے سی بی کے ذرائع کا کہنا ہے کہ وہ آئندہ مہینوں میں بھی اپنی کارروائیوں کو جاری رکھیں گے، اور رشوت کے خلاف سخت اقدامات کرتے ہوئے کرپشن کو جڑ سے اکھاڑنے کے لیے پرعزم ہیں۔
అవినీతిపై ACB ఉక్కుపాదం!
ఈ ఏడాదిలో ఇప్పటివరకు
🔸122 కేసులు
🔸100 అరెస్టులు!లంచం అడిగితే వెంటనే 📞1064 / 9440446106#TelanganaACB #AntiCorruption pic.twitter.com/Cjl9rYNwqW
— Congress for Telangana (@Congress4TS) June 23, 2025
