حیدرآباد: anti-narcotics award کے تحت حیدرآباد پولیس نے 2025 کے ورلڈ پولیس سمٹ میں دوبئی میں پہلا مقام حاصل کیا۔ “ایکسلینس ان اینٹی نارکوٹکس ایوارڈ” کے زمرے میں یہ اعزاز حیدرآباد پولیس کمشنر سی وی آنند نے دوبئی پولیس آفیسرز کلب میں منعقدہ تقریب میں محکمہ کی جانب سے وصول کیا۔
یہ عالمی اجلاس 13 مئی سے 16 مئی تک جاری رہا، جہاں حیدرآباد نارکوٹکس انفورسمنٹ وِنگ (H-NEW) کو شہر بھر میں منشیات کی اسمگلنگ اور استعمال کے خلاف مؤثر کارروائیوں پر سراہا گیا۔ ایوارڈ کمیٹی نے طلبہ میں منشیات کے استعمال کے انسداد، اور گزشتہ تین برسوں کے دوران کمشنریٹ کی سطح پر مسلسل آگاہی پروگراموں کو بطور خاص قابلِ تحسین قرار دیا۔
ڈائریکٹر جنرل و کمشنر حیدرآباد پولیس سی وی آنند نے اپنے خطاب میں کہا کہ 138 ممالک کی اعلیٰ پولیس افواج کی موجودگی میں یہ اعزاز حاصل ہونا H-NEW کی منظم اور جارحانہ حکمت عملی کا عالمی سطح پر اعتراف ہے۔ انہوں نے اپنی پوری ٹیم کی محنت، لگن اور فرض شناسی کو سراہا اور اس کامیابی کو نہ صرف تلنگانہ بلکہ پورے بھارت کی پولیس کے لیے فخر کا لمحہ قرار دیا۔
سی وی آنند نے H-NEW کی جدید ورک فلو تکنیک اور مربوط انسداد منشیات ماڈل کو بین الاقوامی سطح پر پذیرائی کی بنیادی وجہ قرار دیا۔ مختلف قانون نافذ کرنے والے شعبوں میں بارہ ممالک سے تعلق رکھنے والے افسران اور ماہرین کو پہلے انعامات سے نوازا گیا۔
تقریب سے قبل، آنند نے “بھارت میں منشیات کا مسئلہ: کووِڈ کے بعد کا منظرنامہ” کے عنوان سے ایک پینل مباحثے میں بھی شرکت کی۔ انہوں نے بھارت میں منشیات کی آمد کے راستوں، پس پردہ نیٹ ورکس، اور حیدرآباد پولیس کی اسمگلنگ نیٹ ورکس اور ڈرگ پیڈلرز پر نظر رکھنے کی حکمت عملی پر تفصیل سے روشنی ڈالی۔
انہوں نے تعلیمی اداروں میں انسداد منشیات کمیٹیوں کی تشکیل، شعور بیداری، اور بحالی مراکز کی فراہمی جیسے اقدامات کا بھی ذکر کیا، جو ریاست میں نوجوان نسل کو نشہ سے محفوظ رکھنے کے لیے کیے جا رہے ہیں۔
దుబాయ్లో జరిగిన వరల్డ్ పోలీస్ సమ్మిట్లో “ఎక్సలెన్స్ ఇన్ యాంటీ నార్కోటిక్స్ అవార్డు” క్యాటగిరీలో మొదటి బహుమతి అందుకున్నాను.
ఈ అవార్డు ప్రదానోత్సవానికి ముందు, పోలీసింగ్లో ఉన్న అన్ని రంగాల్లోని నిపుణులతో చర్చాకార్యక్రమాలు జరిగాయి. అందులో భాగంగా మన దేశంలో ప్రత్యేకించి… pic.twitter.com/xh2V8rekxe
— CV Anand IPS (@CVAnandIPS) May 16, 2025
