حیدرآباد: آل انڈیا کانگریس کمیٹی کے صدر [en]Mallikarjun Kharge[/en] آج 4 جولائی کو حیدرآباد میں مختلف پارٹی پروگراموں میں شرکت کے لیے موجود ہیں، جن میں اہم داخلی اجلاس اور ایک عوامی جلسہ شامل ہیں۔
سرکاری شیڈول کے مطابق، کھڑگے صبح 11:15 بجے گاندھی بھون میں پارٹی کی پولیٹیکل افیئرس کمیٹی کے اجلاس سے اپنی مصروفیات کا آغاز کریں گے۔ دوپہر 12:30 بجے وہ ایکسٹینڈڈ ایگزیکٹو کمیٹی اجلاس میں شریک ہوں گے۔
شام 4:00 بجے وہ ایل بی اسٹیڈیم میں منعقدہ جلسہ عام “سماجیکا نیایہ سمرا بھیری” سے خطاب کریں گے، جس میں ریاست بھر سے کانگریس قائدین اور کارکنوں کی شرکت متوقع ہے۔
یہ دورہ آئندہ انتخابات کے پیش نظر کانگریس کی تنظیمی سرگرمیوں کے سلسلے کا حصہ ہے، جس کا مقصد پارٹی کو مضبوط بنانا اور سماجی انصاف پر زور دینا ہے۔
