حیدرآباد: ہندوستانی فاسٹ بولر محمد سراج نے ایجبیسٹن میں جاری دوسرے ٹیسٹ میچ کے تیسرے دن ہفتہ کو [en]Siraj Six Wicket [/en] کی شاندار کارکردگی کے ساتھ انگلینڈ کی بیٹنگ کو تہس نہس کر دیا۔ جسپریت بمراہ کی غیر موجودگی میں سراج نے بولنگ اٹیک کی قیادت کرتے ہوئے 6 وکٹیں 70 رنز کے عوض حاصل کیں اور ملک بھر سے تعریفیں سمیٹیں۔
حیدرآباد کے پولیس کمشنر سی وی آنند نے سوشل میڈیا پلیٹ فارم ’ایکس‘ پر سراج کو خراج تحسین پیش کیا۔ انہوں نے کہا: ’’ڈی ایس پی سراج کی کارکردگی لاجواب رہی۔ تلنگانہ پولیس کو ان پر فخر ہے۔ دعا ہے کہ وہ ہندوستان کو مزید فتوحات سے ہمکنار کرے۔‘‘
انگلینڈ نے دن کا آغاز 77 رنز پر تین وکٹوں کے ساتھ کیا، لیکن 407 رنز پر آل آؤٹ ہو گئی، حالانکہ جیمی اسمتھ نے 184 اور ہیری بروک نے 158 رنز کی شاندار اننگز کھیلی۔ سراج کے ساتھ ڈیبیو کرنے والے آکاش دیپ نے بھی 4 وکٹیں 88 رنز کے عوض حاصل کیں۔ ہندوستانی بولرز نے چھ انگلش بلے بازوں کو بغیر کوئی رن بنائے پویلین بھیج دیا، جو میچ کا ٹرننگ پوائنٹ ثابت ہوا۔
پہلی اننگز میں 180 رنز کی برتری حاصل کرنے کے بعد ہندوستان نے دن کا اختتام اپنی دوسری اننگز میں ایک وکٹ کے نقصان پر 64 رنز کے ساتھ کیا۔ یشسوی جیسوال 28 رنز بنا کر ایل بی ڈبلیو آؤٹ ہوئے۔ کے ایل راہول 28 اور کرون نائر 7 رنز کے ساتھ کریز پر موجود ہیں۔ ہندوستان کو چوتھے دن پر 244 رنز کی مجموعی برتری حاصل ہے۔
What a spell from Telangana police department DSP 👏. Has a big heart and keeps striving hard !
Congratulations @mdsirajofficial and keep going https://t.co/prEhV5xkYI— CV Anand IPS (@CVAnandIPS) July 4, 2025
