حیدرآباد: تلنگانہ ریونیو جوائنٹ ایکشن کمیٹی (جے اے سی)[en]Revenue JAC[/en] کے قائدین نے ہفتہ کے روز صدر وی لچاریڈی کی قیادت میں وزیر مال پونگولیٹی سرینواس ریڈی اور پرنسپل سکریٹری ڈی ایس لوکیش کمار سے ملاقات کی اور محکمہ مال کے ملازمین سے متعلق طویل عرصہ سے زیر التوا مسائل کو اجاگر کیا۔
یہ ملاقات حیدرآباد میں ہوئی، جس میں جے اے سی کے نمائندوں نے ہر ریونیو گاؤں میں مجوزہ ولیج گورننس آفیسرز کے لیے دفاتر مختص کرنے کا مطالبہ کیا۔ انہوں نے جونیئر اسسٹنٹ سے نائب تحصیلدار تک کے عملے کے فرائض کا از سر نو جائزہ لینے، واضح جاب چارٹ جاری کرنے، اور ضلعی و زونل سطح پر باہمی تبادلوں پر غور کرنے کی درخواست کی۔
وفد نے 2015 سے سابق وی آر ایز کے اہل ورثا کو ہمدردانہ تقررات نہ دیے جانے کا معاملہ اٹھایا اور اس پر فوری اقدام کی اپیل کی۔ انہوں نے ہر ضلع میں ریونیو اکیڈمیز کے قیام، اور ملازمین کی حوصلہ افزائی کے لیے ثقافتی و کھیلوں کی سرگرمیوں کے فروغ کی بھی تجویز پیش کی۔
ترقیوں کے ضمن میں جے اے سی نے زور دیا کہ جونیئر اسسٹنٹ سے نائب تحصیلدار کیڈر کے اہل ملازمین کو فوری پروموشن دیا جائے۔ انہوں نے سی سی ایل اے دفاتر، کلکٹریٹس، ڈویژن دفاتر اور تحصیل دفاتر میں عملے کے تقرر پر موجودہ آبادی اور کام کے بوجھ کی بنیاد پر نظرثانی کی مانگ کی۔
زمین سے متعلق مسائل اور صداقت ناموں کے بوجھ میں اضافے کے پیش نظر ہر منڈل میں تین اسپیشل ریونیو انسپکٹرز کے عہدے منظور کرنے کی درخواست کی گئی۔ انہوں نے ریونیو انسپکٹرز کو دو پہیہ گاڑیاں اور فیول الاؤنس فراہم کرنے کی تجویز دی، جیسا کہ محکمہ پولیس میں رائج ہے۔
جے اے سی نے دفاتر کے اخراجات کی مد میں فنڈز میں اضافہ، بجلی، انٹرنیٹ اور اسٹیشنری کی ضروریات پوری کرنے کے لیے بجٹ بڑھانے، اور تحصیل دفاتر کے لیے پروٹوکول و ہنگامی اخراجات کا بجٹ بھی طلب کیا، تاکہ عوامی نمائندوں اور معزز مہمانوں کی آمد پر انتظامات بہتر بنائے جا سکیں۔
انفراسٹرکچر کے ضمن میں انہوں نے نئی عمارتوں کی تعمیر، خواتین کے لیے بیت الخلاء، اور دیگر بنیادی سہولتیں فراہم کرنے کی ضرورت پر زور دیا۔ انہوں نے بھوبھارتی ایکٹ 2025 کے مؤثر نفاذ کے لیے ولیج گورننس آفیسرز کی تقرری جلد مکمل کرنے اور عملے کے لیے قانونی معلومات پر مشتمل باقاعدہ ٹریننگ پروگرام کی بھی سفارش کی۔
وزیر پونگولیٹی سرینواس ریڈی نے جے اے سی وفد کو یقین دلایا کہ حکومت ان کے مسائل کے حل کے لیے سنجیدہ ہے اور ریونیو عملے کو عوام اور حکومت کے درمیان اہم پل قرار دیا۔ اس موقع پر پرنسپل سکریٹری ڈی ایس لوکیش کمار بھی موجود تھے۔
بعد ازاں ریونیو جے اے سی قائدین نے وزیر اور اعلیٰ عہدیداروں کے مثبت رویے پر ان کا شکریہ ادا کیا۔
🔸ప్రతి రెవెన్యూ గ్రామానికి గ్రామ పాలన అధికారి
🔸వీఆర్వో, వీఆర్ఏలకు మరో అవకాశం
🔸రెవెన్యూ ఉద్యోగ సంఘాల విజ్ఞప్తి మేరకు నిర్ణయం💠గ్రామాల్లో రెవెన్యూ వ్యవస్ధను బలోపేతం చేయాలన్న లక్ష్యంతో ప్రతి రెవెన్యూ గ్రామానికి ఒక గ్రామ పాలన అధికారి ( జీపీవో) ను నియ… pic.twitter.com/Lss6tplRuO
— Ponguleti Srinivasa Reddy (@INC_Ponguleti) July 5, 2025
