حیدرآباد: [en]Hyderabad Pubs[/en] میں خفیہ کمروں کے اندر منشیات سے بھرپور پارٹیوں کے انکشاف پر سائبرآباد نارکوٹکس ونگ کی ایگل ٹیموں نے بڑی کارروائی کرتے ہوئے نو پب کے خلاف مقدمات درج کر لیے ہیں۔
یہ کارروائی “مالناڈو کچن” کے مالک سوریا کی گرفتاری کے بعد سامنے آئی، جس نے پوچھ گچھ کے دوران انکشاف کیا کہ کئی پب خفیہ طور پر خصوصی طور پر بنائے گئے کمروں میں ڈرگ پارٹیوں کا اہتمام کر رہے ہیں۔
پولیس کے مطابق جن پب کے خلاف ایف آئی آر درج کی گئی ہے ان میں پرزم پب، فارم پب، برڈ باکس پب، بلیک 22 پب، واک کورا پب، براڈوے پب، کوئیک ایرینا پب، اور ایکسٹرا پب شامل ہیں۔
تحقیقات کے تحت ان تمام پبز کے منیجمنٹ کو آئندہ ہفتے پوچھ گچھ کے لیے طلب کیا گیا ہے۔ حکام کا کہنا ہے کہ تحقیقات جاری ہیں اور مزید گرفتاریاں یا کارروائیاں بھی متوقع ہیں۔
پولیس نے خبردار کیا ہے کہ پب اور بارز کو تفریح کی آڑ میں غیر قانونی سرگرمیوں کی اجازت نہیں دی جائے گی، اور شہر میں منشیات کے نیٹ ورک کو جڑ سے ختم کرنے کے لیے سخت اقدامات کیے جا رہے ہیں۔
