حیدرآباد: تلنگانہ اسٹیٹ روڈ ٹرانسپورٹ کارپوریشن کے منیجنگ ڈائریکٹر وی سی سجنار [en]RTC MD Condemns[/en] نے ضلع محبوب نگر کے وینگم پیٹ گاؤں میں ایک بزرگ ماں کو ریتھو ویدیکا کے پلیٹ فارم پر تنہا چھوڑنے کے واقعہ کو غیر انسانی اور قابلِ شرم قرار دیتے ہوئے اس کی سخت مذمت کی ہے۔
سجنار نے سوشیل میڈیا پلیٹ فارم ‘ایکس’ پر لکھا: “امّاں… تم پر یہ کیسا ظلم؟” ان کا یہ تبصرہ 78 سالہ بیوہ بدّا بھدرمّا کو رات بھر تنہا چھوڑنے کے واقعہ پر تھا، جسے اس کے بیٹے نے مبینہ طور پر پبلک پلیٹ فارم پر چھوڑ دیا تھا۔
وی سی سجنار نے سوال اٹھایا کہ کیا ماں کی قدر اسی طرح کی جاتی ہے؟ انہوں نے کہا کہ ایک ایسے وقت میں جب ایک ماں کو اپنی اولاد کی سب سے زیادہ ضرورت ہوتی ہے، تین بیٹوں نے اس کا ساتھ چھوڑ دیا۔ انہوں نے اسے ہمدردی کے فقدان کی علامت اور ناقابلِ قبول حرکت قرار دیا۔
سجنار کے تبصرے کے بعد سوشیل میڈیا پر شدید عوامی ردعمل دیکھنے میں آیا۔ ہزاروں صارفین نے اس عمل کو غیر انسانی قرار دیتے ہوئے بیٹوں کی سخت مذمت کی۔ کئی صارفین نے اس بات پر زور دیا کہ “ایسا بیٹا، بیٹا کہلانے کے لائق نہیں”۔ متعدد افراد نے محبوب نگر ضلع کلکٹر اور مقامی پولیس کو ٹیگ کرتے ہوئے بھدرمّا کے لیے مکمل انصاف اور امداد کا مطالبہ کیا۔
یہ واقعہ معاشرے میں ضعیف والدین سے بے رخی اور خاندانی ذمہ داریوں سے انکار کے موضوع پر ایک سنگین عوامی بحث کی شکل اختیار کر چکا ہے۔ سجنار کے تبصرے نے اس احتجاج کو سرکاری سطح پر مزید تقویت دی ہے۔
అమ్మా.. నీకెంత కష్టం!!
78 ఏళ్ల వయసులో కాలు కదపలేని స్థితిలో ఉన్న కన్న తల్లిని కంటికి రెప్పలా చూసుకోవాల్సిన ముగ్గురు కొడుకులు కర్కశకుళ్లుగా మారి ఆమెను రోడ్డున పడేశారు.
ఇదేనా అమ్మకు ఇచ్చే గౌరవం?
నవమాసాలు కని పెంచిన అమ్మ అన్న కనికరం కూడా కొడుకులకు లేకపోవడం బాధాకరం. pic.twitter.com/F1ViboetL0
— V.C. Sajjanar, IPS (@SajjanarVC) July 11, 2025
