حیدرآباد: [en]Banned Injections[/en] کی غیر قانونی فروخت کے خلاف کارروائی کرتے ہوئے چھتری ناکہ پولیس نے 423 ممنوعہ فارماسیوٹیکل انجکشن ضبط کر لیے جن کی مالیت تقریباً 5 لاکھ روپئے ہے، اور دو افراد کو گرفتار کیا ہے۔
گرفتار شدگان کی شناخت محمد زبیر اور وِنئے کے طور پر کی گئی ہے، جو مبینہ طور پر ان ممنوعہ انجکشن کی غیر قانونی ترسیل کی کوشش کر رہے تھے۔ پولیس کے مطابق یہ انجکشن موجودہ قوانین کے تحت ممنوع ہیں اور بغیر باقاعدہ منظوری کے فروخت نہیں کیے جا سکتے۔
پولیس نے موقع سے دو موٹر سائیکلیں، دو موبائل فون اور 9,430 روپئے نقد رقم بھی برآمد کی، جو مبینہ طور پر ترسیلی نیٹ ورک میں استعمال ہو رہے تھے۔
حکام نے بتایا کہ ان ممنوعہ ادویات کی فراہمی کے پس پردہ ذرائع اور ممکنہ بڑے نیٹ ورک کی چھان بین کی جا رہی ہے۔ پولیس کا کہنا ہے کہ اس کارروائی کا مقصد نہ صرف ممنوعہ ادویات کی روک تھام ہے بلکہ عوامی صحت کو لاحق خطرات کا تدارک بھی ہے۔
