Hyderabad: Bharat Rashtra Samithi ke president aur sabiq chief minister K. Chandrashekar Rao ne budh ke din Telangana ke mashhoor activist, Bahujan intellectual aur social philosopher Professor Prabhanjan Yadav ki wafat par gehra afsos ka izhar kiya hai.
KCR ne kaha ke Prof. Yadav ki wafat riyasat Telangana ke liye aik bara nuqsan hai. Unho ne yaad dilaya ke Yadav ne Dilli mein apni hukoomati naukri se isteefa dekar Telangana statehood tahreek mein shamil hone ka faisla kiya tha, jo unki commitment ka saboot hai.
KCR ke mutabiq, Prof. Yadav ne journalist, public thinker aur activist ke tor par jo kirdar ada kiya, us ne Telangana ki tahreek ko soch aur ideologi ka ek mazboot buniyad di. Unho ne bataya ke Prof. Yadav Mahatma Phule aur Dr. B.R. Ambedkar se mutasir the aur pichri qaumon ke huqooq ke liye purzor awaaz ban kar ubhre.
BRS chief ne Prof. Yadav ke khandan se taaziyat ka izhar karte hue unki khidmaat ko hamesha yaad rakhnay ke azm ka izhar kiya.
