حیدرآباد: جمعرات کے روز Hyderabad Heavy Rain کے باعث شہر کے بیشتر علاقوں میں شدید بارش ہوئی جس کے نتیجے میں اہم شاہراہیں زیرِ آب آگئیں اور ٹریفک کا نظام بری طرح متاثر ہوا۔
میاں پور، کوکٹ پلی، پرگتی نگر، موسیٰ پیٹ، امیر پیٹ، بیگم پیٹ، جوبلی ہلز، پنجہ گٹہ، خیرت آباد، نامپلی، کوٹھی، چادر گھاٹ، ملک پیٹ، دلسکھ نگر، ایل بی نگر، ونستھلی پورم، حیات نگر اور عبداللہ پور میٹ کے علاقوں میں سڑکیں پانی میں ڈوب گئیں، جس سے عوام کو شدید مشکلات کا سامنا کرنا پڑا۔
سکندرآباد اور اس کے اطراف کے علاقوں جیسے الوال، ترو ملگیری، بوئن پلی، ماریڈ پلی، تارناکہ، عثمانیہ یونیورسٹی، حبشی گوڑہ، اپل، ناچارم، ملکاجگری، مشیرآباد، آر ٹی سی کراس روڈ، اشوک نگر، گاندھی نگر، کواڈی گوڑہ، بھولک پور، چکڑ پلی اور حمایت نگر میں بھی بارش کے پانی نے سڑکوں پر قبضہ جما لیا، جس سے گاڑیوں کی آمدورفت شدید متاثر ہوئی۔
شہر کے جنوبی اور مغربی حصے بھی شدید متاثر ہوئے۔ منی کونڈہ، راجندر نگر، عطا پور، گنڈی پیٹ، نرسنگی اور ابراہیم پٹنم میں پانی جمع ہونے کی شکایات موصول ہوئیں، جہاں ناقص نالوں کے باعث سڑکیں جھیلوں کا منظر پیش کرنے لگیں۔ گاڑیوں کی لمبی قطاریں، بند پڑی موٹر سائیکلیں اور دھیرے دھیرے رینگتی گاڑیاں شہریوں کے لیے اذیت کا باعث بنیں۔
اپل اسٹیڈیم سے حبشی گوڑہ تک کا راستہ سب سے زیادہ متاثر ہوا، جہاں پانی بھرنے کے سبب سڑکوں پر چلنا بھی ممکن نہ رہا۔ یوسف گوڑہ اور کرشنا نگر میں کھلے مین ہولز سے خطرہ بڑھ گیا، جبکہ ناچارم کے بھوانی نگر میں پانی گھٹنوں تک پہنچ گیا۔
محکمہ موسمیات نے پیش گوئی کی ہے کہ گریٹر حیدرآباد میونسپل کارپوریشن (GHMC) حدود میں آئندہ بھی شدید بارش کا امکان ہے۔ عوام کو ہدایت دی گئی ہے کہ وہ غیر ضروری سفر سے گریز کریں اور احتیاطی تدابیر اختیار کریں۔
حکام کا کہنا ہے کہ نشیبی علاقوں میں بارش کے پانی کی نکاسی کے لیے اقدامات کیے جا رہے ہیں، جبکہ جی ایچ ایم سی عملہ فیلڈ میں موجود ہے۔ تاہم شہریوں نے مطالبہ کیا ہے کہ مستقل حل تلاش کیا جائے تاکہ ہر بارش کے بعد شہر کا نظام مفلوج نہ ہو۔
