حیدرآباد: CCS Balanagar اور جیڈی میٹلہ پولیس کی مشترکہ کارروائی میں آج شہر میں دو عادی گاڑی چوروں کو گرفتار کیا گیا، جنہوں نے مجموعی طور پر 25 لاکھ روپئے مالیت کی گاڑیاں چوری کی تھیں۔ پولیس نے تمام مسروقہ گاڑیاں بازیاب کر لی ہیں۔
گرفتار افراد کی شناخت 32 سالہ ناکا سرینواس راؤ، ساکن سائی بابا نگر، آئی ڈی اے جیڈی میٹلہ، قطب اللہ پور، اور 26 سالہ محمد شعیب، ساکن بورام پیٹ، ڈونڈیگل، قطب اللہ پور کے طور پر کی گئی ہے۔ دونوں ملزمان 2014 سے مختلف مقامات پر گاڑیوں کی چوری میں ملوث رہے ہیں اور ان پر جیڈی میٹلہ سورارم، پیٹ بشیرآباد، نریڈمیٹ، کوشائی گوڑہ، اور شاہ میر پیٹ جیسے علاقوں میں 15 سے زائد مقدمات درج ہیں۔ انہیں پہلے بھی گرفتار کر کے عدالتی تحویل میں بھیجا جا چکا ہے۔
پولیس نے ان کے قبضے سے ایک ہنڈائی ورنا کار، اشوک لی لینڈ گوڈز کیریئر، تین ہونڈا ایکٹیوا اسکوٹرس، ایک رائل انفیلڈ موٹر سائیکل، بجاج پلسر 150، یاماہا ایف زیڈ، اور ہونڈا شائن موٹر سائیکلیں برآمد کی۔
اس کارروائی کی قیادت بالانگر لا اینڈ آرڈر اے ڈی سی پی ستیہ نارائنہ نے کی، جب کہ نگرانی اے سی پی پی. نریش ریڈی نے انجام دی۔ جیڈی میٹلہ ایس ایچ او جی. مالیش، ڈی آئی ایس. کنکیا، سی سی ایس انسپکٹر راجو، سب انسپکٹرز ، پوچیا اور گِریش، ڈی ایس آئی ۔این. شیام بابو، ہیڈ کانسٹیبل علی زار، اور پولیس کانسٹیبلز ارجن، وِشال اور راج کمار اس ٹیم میں شامل تھے۔
پولیس نے اس کامیاب کارروائی پر عملے کی ستائش کرتے ہوئے عوام سے اپیل کی کہ وہ اپنی گاڑیوں کو محفوظ مقامات پر پارک کریں، اضافی لاک استعمال کریں، اور سی سی ٹی وی جیسے حفاظتی انتظامات کو اپنائیں تاکہ چوری کی وارداتوں کو روکا جا سکے۔
