حیدرآباد: تلنگانہ کے وزیر اعلیٰ اے ریونت ریڈی نے مرکزی حکومت کے caste census سے متعلق فیصلے کا خیر مقدم کرتے ہوئے اسے کانگریس لیڈر راہول گاندھی کے وژن اور ریاست تلنگانہ کی قیادت کی تائید قرار دیا۔
بدھ کے روز ایک ٹویٹ میں ریونت ریڈی نے کہا کہ ملک گیر سطح پر ذات پر مبنی مردم شماری کا مطالبہ سب سے پہلے راہول گاندھی نے بھارت جوڑو یاترا کے دوران اٹھایا تھا، اور تلنگانہ نے اس سمت میں پہل کرتے ہوئے گزشتہ سال ایک مکمل ذات، سماجی اور معاشی سروے کیا۔ ان کے مطابق، یہ 1931 میں برطانوی دور میں ہونے والی مردم شماری کے بعد آزاد ہندوستان کی پہلی مکمل ذات پر مبنی مردم شمار ی تھی۔
ریونت ریڈی نے کہا کہ اس ریاست گیر سروے کے مطابق 56.32 فیصد آبادی پسماندہ طبقات (او بی سی) سے تعلق رکھتی ہے۔
انہوں نے وضاحت کی کہ اس رپورٹ کی بنیاد پر جو تلنگانہ اسمبلی میں پیش کی گئی، ریاستی حکومت نے تعلیم، روزگار اور سیاسی نمائندگی کے میدانوں میں دیگر پسماندہ طبقات کے لیے 42 فیصد تحفظات کی تجویز پیش کی۔
وزیر اعلیٰ نے اس بات پر زور دیا کہ ہندوستانی نیشنل کانگریس کی تلنگانہ یونٹ نے اس مسئلے کو قومی سطح پر اجاگر کرنے میں اہم کردار ادا کیا۔ انہوں نے یاد دلایا کہ کانگریس قائدین نے دہلی کے جنتر منتر پر احتجاج کرتے ہوئے مرکزی حکومت سے caste census کرانے کا مطالبہ کیا تھا۔
ریونت ریڈی نے کہا: آج ہم نے یہ ثابت کر دیا کہ جو کچھ تلنگانہ آج کرتا ہے، وہی کل پورا ہندوستان اپناتا ہے۔
انہوں نے اس فیصلے کو کانگریس پارٹی کے لیے فخر کا لمحہ قرار دیتے ہوئے کہا کہ اپوزیشن میں رہتے ہوئے بھی راہول گاندھی کے وژن نے قومی پالیسی پر اثر ڈالا ہے۔ ان کا کہنا تھا کہ تلنگانہ کی جانب سے او بی سی اختیارات کے لیے کیے گئے اقدامات نے پورے ملک کو متاثر کیا ہے۔
ریونت ریڈی نے مرکزی حکومت، وزیر اعظم نریندر مودی اور کابینہ کا caste census کو آئندہ قومی مردم شماری میں شامل کرنے کی منظوری دینے پر شکریہ ادا کیا۔
Under the leadership of Prime Minister @narendramodi, the #Cabinet Committee on Political Affairs has decided today that Caste enumeration should be included in the forthcoming census. This demonstrates that the government is committed to the values and interests of the society… pic.twitter.com/kghauMqR1h
— PIB India (@PIB_India) April 30, 2025
