حیدرآباد: تلنگانہ کے وزیر اعلیٰ اے. ریونت ریڈی نے جمعہ کے روز سابق وزیر اعلیٰ دامودرم سنجیویّا کی یوم پیدائش پر انہیں خراج عقیدت پیش کیا۔ یہ تقریب جوبلی ہلز میں ان کی رہائش گاہ پر منعقد ہوئی، جہاں وزیر اعلیٰ نے ان کے پورٹریٹ پر پھول چڑھائے۔
اس موقع پر کئی سیاسی رہنما اور معززین موجود تھے، جن میں وزیر اعلیٰ کے مشیر ویم نریندر ریڈی، کارپوریشن چیئرمین پٹیل رمیش ریڈی اور منالا موہن ریڈی، ایم ایل اے راجندر ریڈی اور کمبہم انیل کمار ریڈی شامل تھے۔
اس کے علاوہ ایجوکیشن کمیشن کے رکن چرگونڈا وینکٹیش، سابق ایم ایل اے سمپت کمار اور دیگر شخصیات نے بھی تقریب میں شرکت کی اور سنجیویّا کی سماجی اصلاحات اور حکمرانی میں کردار کو سراہا۔
دامودرم سنجیویّا متحدہ آندھرا پردیش کے پہلے دلت وزیر اعلیٰ تھے، جنہیں ان کی سماجی فلاحی پالیسیوں کے لیے یاد کیا جاتا ہے۔
