حیدرآباد: چیف منسٹر ریونت ریڈی نے ضلع سنگاریڈی کے پشامائیلارم صنعتی علاقے میں پیش آئے حادثے پر شدید صدمے کا اظہار کرتے ہوئے منگل کو جائے وقوع کا دورہ [en]CM Visit Pashamilaram[/en] کرنے کا اعلان کیا ہے۔ اس موقع پر حالات کا جائزہ لینے کی توقع ہے۔
چیف منسٹر مسلسل نائب وزیراعلیٰ دامودر راجانرسمہا اور وزیر محنت جی ویویک کے ساتھ رابطے میں ہیں، اور زمینی سطح پر جاری راحت و بچاؤ کارروائیوں سے متعلق تفصیلات حاصل کر رہے ہیں۔ انہوں نے ڈائرکٹر جنرل پولیس اور چیف سکریٹری کے ساتھ بھی بچاؤ کاموں کی پیش رفت کا جائزہ لیا۔
ریونت ریڈی نے حکام کو ہدایت دی کہ بچاؤ کاموں میں تیزی لائی جائے اور یہ سلسلہ کسی رکاوٹ کے بغیر جاری رکھا جائے۔
اس مقصد کے لیے ایک اعلیٰ سطحی کمیٹی تشکیل دی گئی ہے جس کی صدارت چیف سکریٹری رام کرشنا راؤ کریں گے۔ کمیٹی میں اسپیشل چیف سکریٹری برائے ڈیزاسٹر مینجمنٹ، پرنسپل سکریٹری محنت، سکریٹری صحت، اور ایڈیشنل ڈی جی فائر سرویسز بھی شامل ہیں۔
یہ کمیٹی نہ صرف بچاؤ کارروائیوں پر نگرانی رکھے گی بلکہ مستقبل میں اس قسم کے صنعتی حادثات کی روک تھام کے لیے سفارشات بھی پیش کرے گی۔
چیف منسٹر نے اعلان کیا کہ حادثے میں جاں بحق ہونے والوں کے اہل خانہ کو حکومت کی جانب سے مکمل مالی و انسانی مدد فراہم کی جائے گی۔
Hon’ble Chief Minister @revanth_anumula garu expressed his deepest condolences and prayers for the loved ones and families of those who lost their lives in today’s tragic accident at a chemical factory in #Pashamylaram, Sangareddy District.
The Chief Minister has instructed the… pic.twitter.com/syfODgbjJL
— Telangana CMO (@TelanganaCMO) June 30, 2025
