سائبر آباد اسپیشل آپریشن ٹیم اور مقامی پولیس نے دھرماریڈی کالونی میں جوئے کے اڈے پر چھاپہ مار کر 6 افراد کو گرفتار کرلیا۔ نقد رقم، موبائل فونز اور کارڈز برآمد کیے گئے۔
حیدرآباد: سائبر آباد اسپیشل آپریشن ٹیم نے مقامی پولیس کے ساتھ مل کر کے پی ایچ بی کی دھرماریڈی کالونی میں جوئے کے اڈے پر دھاوا کرتے ہوئے 6 افراد کو گرفتار کرلیا۔ پولیس نے ملزمان کے قبضے سے 51 ہزار روپئے نقد رقم، موبائل فونز اور جوئے میں استعمال ہونے والے کارڈز برآمد کیے، جن کی مجموعی مالیت 1.1 لاکھ روپئے بتائی جارہی ہے۔
پولیس کے مطابق، راجیش نامی شخص یہ جوئے کا اڈا کمیشن کی بنیاد پر چلا رہا تھا۔ اس نے رہائشی علاقے میں جوئے کا خفیہ انتظام کیا تھا، جہاں مختلف افراد آکر غیر قانونی سٹے بازی میں ملوث تھے۔ پولیس کو خفیہ اطلاع ملنے کے بعد اسپیشل آپریشن ٹیم نے یہ کارروائی انجام دی۔
پولیس نے گرفتار افراد کے خلاف قانونی کارروائی کا آغاز کردیا ہے اور مزید تفصیلات حاصل کرنے کے لیے جوئے کے نیٹ ورک کے بارے میں تفتیش کی جارہی ہے۔ پولیس کا کہنا ہے کہ جوئے کے خلاف کاروائیاں جاری رہیں گی اور ایسے غیر قانونی سرگرمیوں میں ملوث افراد کو بخشا نہیں جائے گا۔
