حیدرآباد: Cyberabad Policeنے شہریوں کو مؤثر اور شفاف خدمات فراہم کرنے کے لیے اپنی نئی سرکاری ویب سائٹ لانچ کر دی ہے، جس کا اعلان پولیس کمشنر اسٹیفن رویندر نے پیر کو کیا۔
یہ پورٹل موبائل فرینڈلی اور ریئل ٹائم فنکشنالٹی کے ساتھ ڈیزائن کیا گیا ہے تاکہ شہریوں کو فوری طور پر اہم ہدایات، حفاظتی معلومات اور پولیس اپڈیٹس فراہم کی جا سکیں۔ ٹیکنیکل ٹیموں نے انٹرفیس کو مزید تیز، واضح اور آسان نیویگیشن کے قابل بنایا ہے۔
ایک نمایاں فیچر QR کوڈ پر مبنی ‘سِٹیزن فیڈبیک اسکینر’ ہے، جس کے ذریعے شہری پولیس رویے اور خدمات کی درجہ بندی براہِ راست کر سکتے ہیں۔
ویب سائٹ پر آن لائن ایونٹ پرمٹس کے لیے بھی سہولت دی گئی ہے، جس میں میراتھن، میوزک پروگرام اور فلم شوٹنگ جیسے مواقع شامل ہیں۔
سائبر کرائم متاثرین کے لیے اکاؤنٹ اَن فریز کرنے کا لنک بھی شامل کیا گیا ہے، جو خاص طور پر ان افراد کے لیے فائدہ مند ہے جو حیدرآباد سے باہر مقیم ہیں۔ اس کے علاوہ سائبر شکایات درج کرنے سے متعلق مکمل رہنمائی بھی دستیاب ہے۔
کمشنر نے بتایا کہ ویب سائٹ پر تمام اہم رابطہ نمبر، افسران کے عہدے، اور پولیس اسٹیشنز کی مکمل معلومات نہایت سادہ انداز میں فراہم کی گئی ہیں تاکہ ہر عمر کے صارفین بآسانی استفادہ کر سکیں۔
