حیدرآباد: نظام آبادضلع کے ڈونکل گاؤں میں جمعہ کے روز نشے میں جھگڑے کے دوران ایک 42 سالہ لاری ڈرائیور کی موت واقع ہوگئی۔ پولیس کے مطابق اس واقعہ میں [en]Drunken Fight[/en] کے دوران ڈرائیور پر حملہ کیا گیا تھا۔
متوفی کی شناخت شیخ رحمن کے طور پر کی گئی ہے، جو نظام آبادکے نندی گٹہ علاقے کا رہائشی تھا۔ چار دن قبل وہ راجو نامی شخص کے ساتھ کانٹریکٹ مرمت کے کام کے سلسلے میں ڈونکل آیا تھا۔
پولیس کے مطابق 26 جون کی رات دیر گئے رحمن اور راجو شراب نوشی کر رہے تھے کہ دونوں کے درمیان جھگڑا ہوگیا۔ اس دوران راجو نے لکڑی کے ڈنڈوں سے رحمن پر حملہ کیا جس کے نتیجے میں اسے شدید چوٹیں آئیں۔
اگلی صبح رحمن کو ہاسپٹل منتقل کیا گیا، لیکن علاج کے دوران اس کی موت ہوگئی۔
متوفی کے بھائی شیخ راحیل کی شکایت پر مقدمہ درج کرتے ہوئے پولیس نے تحقیقات کا آغاز کردیا ہے۔
