حیدرآباد: ملکاجگری کے رکن پارلیمان Eatala Rajender demands نے جمعہ کے روز حیدرآباد میں بی جے پی کے کارپوریٹروں کے ساتھ واٹر بورڈ دفتر کے سامنے دھرنا دیتے ہوئے زیر زمین ڈرینیج اور SNDP کاموں کی فوری تکمیل کا مطالبہ کیا۔
اجتماع سے خطاب کرتے ہوئے ایٹالہ راجندر نے زور دیا کہ تمام زیر التوا کام مونسون سے قبل مکمل کیے جائیں تاکہ شہریوں کو بحران کا سامنا نہ کرنا پڑے۔ انہوں نے ڈبل بیڈ روم مکانات میں وعدے کے مطابق پینے کے پانی کی فراہمی کا بھی مطالبہ کیا۔
ایٹالہ نے خبردار کیا کہ اگر دو ماہ کے اندر شہری علاقوں میں تازہ پانی کی فراہمی کے مسائل حل نہ کیے گئے تو بڑے پیمانے پر احتجاج کیا جائے گا۔ انہوں نے کہا کہ ہم اس وقت خاموش نہیں رہیں گے جب عوام مشکلات کا شکار ہوں۔
بعد ازاں ایٹالہ راجندر اور بی جے پی کارپوریٹروں کے ایک وفد نے واٹر بورڈ کے مینیجنگ ڈائریکٹر سے ملاقات کرتے ہوئے اپنے مطالبات پیش کیے۔ میڈیا سے بات کرتے ہوئے انہوں نے الزام لگایا کہ حکام شہریوں کے مسائل کو مسلسل نظرانداز کر رہے ہیں۔
ان کا کہنا تھا کہ پچھلے 18 مہینوں سے متعدد نمائندگیاں دی جا چکی ہیں لیکن آج تک پانی کی فراہمی کے لیے ایک روپیہ بھی منظور نہیں کیا گیا۔ حکومت ٹیکس تو وصول کر رہی ہے، لیکن شہریوں سے کہا جا رہا ہے کہ وہ اپنی پائپ لائن خود لگوائیں۔
హైదరాబాద్ : గ్రేటర్ హైదరాబాద్ మున్సిపల్ కార్పొరేషన్ (జిహెచ్ఎంసి) బిజెపి కార్పొరేటర్ లతో కలిసి జలమండలి ముందు ధర్నా చేయడం జరిగింది.
ప్రజల సమస్యలు పరిష్కారం కోసం ఎక్కడికైనా వెళ్లడానికి నేను సిద్ధం. సంవత్సరం నర కాలంగా కార్పొరేటర్లు ఎన్ని వినతి పాత్రలు ఇచ్చిన 5 పైసలు కూడా మంజూరు… pic.twitter.com/HEMUdNDzcp
— Eatala Rajender (@Eatala_Rajender) May 31, 2025
انہوں نے سیوریج کے ابتر حالات کی طرف اشارہ کرتے ہوئے کہا کہ گندہ پانی کھلے عام سڑکوں پر بہہ رہا ہے۔ انہوں نے سوال کیا کہ اگر اب یہ حال ہے تو شدید بارش کے دوران کیا صورت حال ہوگی؟ انہوں نے فوراً سِلٹ زدہ پائپ لائنوں کی صفائی اور نشیبی علاقوں میں نکاسیٔ آب کے لیے نالوں کی توسیع کا مطالبہ کیا۔
ایٹالہ راجندر نے واٹر بورڈ سے اپیل کی کہ واٹر لاگنگ کو روکنے اور عوام کو پانی سے پھیلنے والی بیماریوں سے بچانے کے لیے مؤثر اقدامات کیے جائیں۔
انہوں نے ریاست کی مشہور اسکیم مشن بھاگیرتا پر تنقید کرتے ہوئے کہا کہ 50,000 کروڑ روپئے خرچ ہونے کے باوجود حیدرآباد کے عوام کو تازہ پانی کے لیے جدوجہد کرنا پڑ رہا ہے۔
چیف منسٹر ریونت ریڈی پر تنقید کرتے ہوئے ایٹالہ راجندر نے کہا کہ وہ سیاسی اجلاسوں میں تو مصروف ہیں، لیکن عوامی مسائل پر بات کرنے کے لیے وقت نہیں نکال پا رہے ہیں۔
