حیدرآباد: ساؤتھ ایسٹ زون ٹاسک فورس اور بندلہ گوڑہ پولیس نے مشترکہ کارروائی کرتے ہوئے جمعہ کے روز بندلہ گوڑہ ایکس روڈ کے قریب تین بین ریاستی Ganja Peddlers کو گرفتار کر لیا اور ان کے قبضے سے 25.6 کلو خشک گانجہ برآمد کیا، جس کی مالیت تقریباً 3.9 لاکھ روپئے بتائی گئی ہے۔
اطلاع ملنے پر کارروائی کرتے ہوئے عہدیداروں نے ایک سفید ویگن آر کار (رجسٹریشن نمبر AP 39 SP 0138) کو روکا اور محمد شمیر اللہ بیگ (عمر 35)، بودوگو راجیش (26) اور سونکاولی نریش (29) کو حراست میں لے لیا، جو تینوں راجمندری، آندھرا پردیش سے تعلق رکھتے ہیں۔
پولیس کے مطابق شمیر اور راجیش پہلے ریلوے کوچ ہوٹل کاروبار میں پارٹنر تھے، مگر شدید نقصان کے بعد انہوں نے نریش کے ساتھ مل کر گانجہ اسمگلنگ شروع کی تاکہ مالی نقصان کی بھرپائی کر سکیں۔ تینوں نے راجمنڈری کے ایک سپلائر رمو سے 25 کلو گانجہ 1.85 لاکھ روپئے میں خریدا، جسے وہ حیدرآباد میں شیوا نامی خریدار کو منافع پر فروخت کرنے والے تھے۔
پولیس نے ملزمان کے پاس سے ایک گاڑی، 3,000 روپئے نقد، چار موبائل فون، اور ایک لیپ ٹاپ ضبط کیا ہے۔ اہم کردار ادا کرنے والے سپلائر رمو (ضلع آلوری سیتاراما راجو) اور خریدار شیوا (حیدرآباد) فی الحال مفرور ہیں۔
یہ کارروائی ایڈیشنل ڈی سی پی اقبال صدیقی اور اے سی پی اے سدھاکر کی نگرانی میں انجام دی گئی، جس میں ٹاسک فورس اور بندلہ گوڑہ پولیس اسٹیشن کے انسپکٹرس سعید بابو اور گروناتھ کی ٹیموں نے حصہ لیا۔
