حیدرآباد: شہر کے پہاڑی شریف علاقے میں پیر کی رات ایک شرمناک واقعہ پیش آیا، جہاں ایک جرمن خاتون کے ساتھ مبینہ طور پر اجتماعی زیادتی کی گئی۔ ابتدائی اطلاعات کے مطابق متاثرہ خاتون میر پیٹ کے مندا ملاّمّا سنٹر کے قریب سڑک پر چل رہی تھیں کہ ایک کار میں سوار افراد نے انہیں لفٹ دینے کی پیشکش کی۔
خاتون نے ان پر اعتماد کرتے ہوئے گاڑی میں سوار ہو گئیں، مگر اس کے بعد ملزمین نے باری باری کار میں ہی ان کا جنسی استحصال کیا۔ اس اذیت ناک واقعے کے بعد متاثرہ خاتون پہاڑی شریف پولیس اسٹیشن پہنچیں اور رسمی شکایت درج کروائی۔
پولیس نے فوری طور پر مقدمہ درج کرتے ہوئے دو خصوصی ٹیمیں تشکیل دی ہیں تاکہ ملزمین کا سراغ لگایا جا سکے اور انہیں گرفتار کیا جا سکے۔ حکام نے بتایا کہ تحقیقات جاری ہیں اور جیسے جیسے مزید معلومات حاصل ہوں گی، ان کا انکشاف کیا جائے گا۔
پہاڑی شریف اجتماعی زیادتی کے اس واقعے نے شہریوں میں شدید تشویش پیدا کر دی ہے، اور مقامی افراد نے سکیورٹی اقدامات میں بہتری کا مطالبہ کیا ہے۔ پولیس حکام نے یقین دلایا ہے کہ ملزمین کو جلد قانون کے کٹہرے میں لایا جائے گا اور متاثرہ کو ہر ممکن قانونی مدد فراہم کی جائے گی۔