حیدرآباد: شہر کے مسافروں کو 24 مئی سے Hyderabad Metro میں سفر کے لیے نئے کرایہ نامے کا سامنا ہوگا، جس میں کم از کم کرایہ 11 روپۓ اور زیادہ سے زیادہ کرایہ 69 روپۓ مقرر کیا گیا ہے۔
نئے کرایہ نامے میں فاصلہ کی بنیاد پر نرخ متعین کیے گئے ہیں، جن میں پچھلے نرخوں کے مقابلے میں معمولی اضافہ کیا گیا ہے۔ تاہم ایل اینڈ ٹی نے روزانہ سفر کرنے والوں پر بوجھ کم کرنے کی غرض سے 10 فیصد رعایت دینے کا اعلان بھی کیا ہے۔
نظرثانی شدہ کرایہ نامہ درج ذیل ہے:
2 کلومیٹر تک: 11 روپۓ
2 سے 4 کلومیٹر: 17 روپۓ
4 سے 6 کلومیٹر: 28 روپۓ
6 سے 9 کلومیٹر: 37 روپۓ
9 سے 12 کلومیٹر: 47 روپۓ
12 سے 15 کلومیٹر: 51 روپۓ
15 سے 18 کلومیٹر: 56 روپۓ
18 سے 21 کلومیٹر: 61 روپۓ
21 سے 24 کلومیٹر: 65 روپۓ
24 کلومیٹر سے زائد: 69 روپۓ
عہدیداروں کا کہنا ہے کہ یہ تبدیلی بڑھتے ہوئے آپریٹنگ اخراجات کے پیش نظر کی گئی ہے، اور رعایت کی پیشکش عام مسافروں کے لیے کسی حد تک ریلیف فراہم کرے گی۔
