حیڈرا کی تجاوزات کے خلاف کارروائی، عوامی شکایات میں اضافہ

حیدرآباد: حیدرآباد ڈیزاسٹر ریسپانس اینڈ ایسیٹ پروٹیکشن ایجنسی (حیڈرا) نے عوامی شکایات میں اضافے کے بعد سرکاری اراضی پر تجاوزات کے خلاف اپنی کارروائی میں شدت پیدا کر دی ہے۔ 24 فروری اور 10 مارچ 2025 کو منعقدہ دو پرجاوانی سیشنز میں HYDRAA کو کل 141 شکایات موصول ہوئیں، جن میں سرکاری زمین اور عوامی مقامات پر تجاوزات کی نشاندہی کی گئی۔

ایجنسی کو 24 فروری 78 شکایات موصول ہوئیں، جن کا تعلق زیادہ تر آبی ذخائر، نالوں، سڑکوں اور عوامی جگہوں پر تجاوزات سے تھا۔ کمشنر اے وی رنگاناتھ نے شکایت کنندگان کو فوری جانچ کی یقین دہانی کرائی۔ انہوں نے عہدیداروں کو دو ہفتوں کے اندر موقع پر معائنہ کرنے کی ہدایت دی، جس میں شفافیت کو یقینی بنانے کے لیے مقامی حکام اور شکایت کنندگان کو شامل کیا جائے گا۔ جو معاملات چار ہفتوں کے اندر حل نہ ہوں، ان کا ازسرنو جائزہ لیا جائے گا اور ثابت ہونے والے تجاوزات پر قانونی کارروائی کی جائے گی۔

پرجا وانی کے دوران 10 مارچ کو مزید 63 شکایات درج کی گئیں، جن میں جھیلوں کی زمین اور دیگر سرکاری اراضی پر غیر قانونی قبضے کی نشاندہی کی گئی۔ کچھ شکایات میں جعلی پاس بُک ریکارڈز کے ذریعے جھیل کی زمینوں کو زرعی اراضی میں تبدیل کرکے ملکیت کا دعویٰ کرنے کے الزامات بھی شامل ہیں۔ سڑکوں اور پارکوں پر بھی تجاوزات کی اطلاعات موصول ہوئیں۔ بعض سابق میونسپل کونسلرز اور وارڈ ممبران پر عوامی زمین پر قبضہ کرنے کے لیے اثرورسوخ کے استعمال کے الزامات بھی لگائے گئے۔

کمشنر رنگاناتھ نے ان شکایات کو سنجیدگی سے لیتے ہوئے مکمل جانچ کی یقین دہانی کرائی۔ ایجنسی نے مختلف علاقوں میں معائنے شروع کر دیے ہیں، جن میں ڈنڈیگل گاؤں میں ببہ خان جھیل کے قریب لنگم چیرو کا علاقہ شامل ہے، جہاں نہر کے ساتھ غیر مجاز تعمیرات کی وجہ سے برساتی پانی کی نکاسی میں رکاوٹ پیدا ہوئی اور مقامی سطح پر سیلاب کی صورتحال پیدا ہوئی۔ حفیظ پیٹ میں TDR (قابل منتقلی ترقیاتی حقوق) کے غلط استعمال اور سرکاری زمین پر ممکنہ غیر قانونی قبضے کے الزامات کی بھی جانچ جاری ہے۔

حیڈرا نے عوام کو آگاہ کیا ہے کہ وہ ہفتہ وار پرجاوانی سیشنز میں صرف سرکاری زمین اور عوامی مقامات پر تجاوزات سے متعلق شکایات درج کریں۔ ایجنسی نجی جھگڑوں یا ایسے مقدمات میں مداخلت نہیں کرے گی جو پہلے سے سول یا ہائی کورٹ میں زیر سماعت ہوں۔ شکایت کنندگان کو لازمی طور پر یہ انکشاف کرنا ہوگا کہ آیا ان کی شکایت عدالت میں زیر التواء ہے یا نہیں، بصورت دیگر ان کے خلاف انتباہ جاری کیا جائے گا۔

ప్ర‌భుత్వ భూమిని కాపాడండి
హైడ్రా ప్ర‌జావాణికు 63 ఫిర్యాదులు

ప్ర‌జావ‌స‌రాల‌కు ఉద్దేశించిన భూమిని స్థానికంగా ప‌లుకుబ‌డి ఉన్న వ్య‌క్తులు క‌బ్జా చేసేస్తున్నార‌ని.. వాటిని కాపాడాల‌ని ప‌లువురు హైడ్రా ప్ర‌జావాణికి ఫిర్యాదు చేశారు. పాఠ‌శాల‌కు, పిల్ల‌లు ఆడుకునేందుకు ఉద్దేశించిన స్థ‌లాల… pic.twitter.com/dQ1vBNGdtF

— HYDRAA (@Comm_HYDRAA) March 24, 2025