حیدرآباد: بی آر ایس کے ورکنگ صدر کے تارک راما راؤ نے وزیر اعظم نریندر مودی کو ایک سخت لہجے میں خط لکھا ہے جس میں انہوں نے مرکزی حکومت سے مطالبہ کیا ہے کہ وہ کنچہ گچی باؤلی میں پیش آئے مبینہ مالی اور ماحولیاتی اسکینڈل پر فوری کاروائی کرے۔ انہوں نے الزام عائد کیا کہ یہ اسکینڈل تلنگانہ کی کانگریس حکومت، چیف منسٹر اے ریونت ریڈی کی قیادت میں انجام دیا گیا ہے۔
کے ٹی آر نے Kancha Gachibowli کے جنگلات کی تباہی سے متعلق وزیر اعظم کی حالیہ ریمارکس کا حوالہ دیتے ہوئے کہا کہ وزیر اعظم کے بیانات حوصلہ افزا ہیں، مگر صرف زبانی دعوؤں پر اکتفا نہ کیا جائے۔ انہوں نے نشاندہی کی کہ اس علاقے میں سو ایکڑ سے زائد جنگلاتی زمین کی تباہی نہ صرف ماحولیاتی تباہی ہے بلکہ یہ ایک بہت بڑا مالی فراڈ بھی ہے جس کی مالیت دس ہزار کروڑ روپۓ بتائی جاتی ہے۔ انہوں نے کانگریس حکومت پر الزام لگایا کہ جنگلاتی اراضی کو مالی مفاد کے لیے گروی رکھا گیا ہے۔
انہوں نے مزید کہا کہ اس معاملے کو مرکزی تحقیقاتی ایجنسیوں جیسے سی وی سی، سی بی آئی، ایس ایف آئی او، سیبی اور آر بی آئی کے نوٹس میں لایا جا چکا ہے۔ کے ٹی آر نے سپریم کورٹ کی جانب سے مقرر کردہ سینٹرل ایمپاورڈ کمیٹی کا بھی حوالہ دیا، جس کے مطابق مالی بے ضابطگیوں کی تصدیق ہوئی ہے اور مرکزی اداروں سے تفصیلی تحقیقات کا مطالبہ کیا گیا ہے۔
کے ٹی آر نے اپنے خط میں لکھا کہ جیسے جیسے شہروں میں آلودگی بڑھ رہی ہے، ماحولیاتی تحفظ اولین ترجیح ہونی چاہیے۔ انہوں نے یہ بھی کہا کہ ریونت ریڈی جیسے سیاستدانوں کو بے نقاب کرنا ضروری ہے جو نظام کو کھلے عام پامال کرتے ہیں۔
انہوں نے مرکزی حکومت پر زور دیا کہ Kancha Gachibowli کے معاملے کی تحقیقات میں تیزی لائی جائے اور یہ ثابت کیا جائے کہ بی جے پی، تلنگانہ میں کانگریس کے ساتھ ملی بھگت نہیں کر رہی اور وزیر اعظم مودی ماحولیاتی احتساب کے حوالے سے سنجیدہ ہیں۔
Dear Hon’ble Prime Minister @narendramodi ji,
I was heartened to hear your speech about the destruction of Kancha Gachibowli Forest by Telangana CM Revanth Reddy. However, I hope it’s not just lip service
The devastation in Kancha Gachibowli is not just a grave environmental… pic.twitter.com/8byfzDwUkR
— KTR (@KTRBRS) April 18, 2025
