حیدرآباد: تلنگانہ جاگروتی کی صدر اور بی آر ایس ایم ایل سی کلواکنٹلا کویتا نے تلنگانہ کے یومِ تاسیس کے موقع پر ریاست کی موجودہ قیادت پر سخت تنقید کرتے ہوئے الزام عائد کیا کہ وہ Telangana martyrs کی قربانیوں کو نظرانداز کر رہی ہے جنہوں نے ریاست کے قیام کے لیے اپنی جانیں نچھاور کیں۔
نئی تلنگانہ جاگروتی آفس میں قومی پرچم لہرانے کے بعد کویتا نے تحریکِ تلنگانہ کے دوران شہید ہونے والوں کے خاندانوں، خصوصاً ان ماوؤں کو خراجِ عقیدت پیش کیا جنہوں نے اپنے بیٹے بیٹیاں ریاست کے لیے قربان کر دیے۔
انہوں نے بی آر ایس کے صدر اور سابق وزیراعلیٰ کے چندر شیکھر راؤ کی سیاسی بصیرت اور قیادت کی تعریف کرتے ہوئے کہا کہ تلنگانہ کا قیام اُن کی رہنمائی کا نتیجہ ہے۔ کویتا نے کہا: ’’یہ کے سی آر کی قیادت تھی جس نے عوامی تحریک کو قوت بخشی اور تلنگانہ کو شناخت دی۔‘‘
کویتا نے موجودہ حکومت پر الزام لگایا کہ وہ نہ صرف شہداء کو خراج پیش کرنے میں ناکام رہی ہے بلکہ ’جئے تلنگانہ‘ جیسے نعرے سے بھی گریز کر رہی ہے۔ انہوں نے کہا: “یہ انتہائی افسوسناک ہے کہ اقتدار میں بیٹھے لوگ اُن قربانیوں کو تسلیم کرنے سے بھی قاصر ہیں جن کے نتیجے میں یہ ریاست وجود میں آئی۔”
తెలంగాణ రాష్ట్ర అవతరణ దినోత్సవాన్ని పురస్కరించుకుని తెలంగాణ జాగృతి కార్యాలయంలో జాతీయ జెండా మరియు తెలంగాణ జాగృతి జెండాను ఆవిష్కరించడం జరిగింది.#TelanganaFormationDay pic.twitter.com/LpZ3bchyjm
— Kavitha Kalvakuntla (@RaoKavitha) June 2, 2025
انہوں نے عوام کو یاد دلایا کہ تلنگانہ کا قیام ان گنت خاندانوں کی خون، پسینے اور آنسوؤں کا ثمر ہے، جو اپنے بچوں کے روشن مستقبل کا خواب دیکھتے تھے۔ کویتا نے کہا: “ہمیں ان ماوؤں کو کبھی نہیں بھولنا چاہیے جنہوں نے اپنے بچے تحریک کے محاذ پر قربان کیے۔” انہوں نے زور دیا کہ ریاست کی جدوجہد کی وراثت کو محفوظ رکھنا ہم سب کی اجتماعی ذمہ داری ہے۔
