کے ٹی آر کا مرکز پر حملہ: ایندھن کی قیمتوں میں اضافہ اور بازار کی گراوٹ پر سوالات

حیدرآباد: بی آر ایس کے کارگزار صدر کے ٹی راما راؤ نے مرکز میں بی جے پی زیر قیادت این ڈی اے حکومت پر شدید تنقید کرتے ہوئے ایندھن کی قیمتوں میں حالیہ اضافے اور اسٹاک مارکیٹ کی گراوٹ کو عوام کے ساتھ دھوکہ قرار دیا۔

سوشل میڈیا پر ایک پوسٹ میں KTR نے طنزیہ انداز میں کہا کہ “عوام اب بھی اچھے دن کا انتظار کر رہے ہیں، لیکن حکومت نے ایک ہی دن میں ’ہیٹ ٹرک‘ مکمل کر لی۔” انہوں نے واضح کیا کہ بین الاقوامی منڈی میں تیل کی قیمتیں تاریخی طور پر کم سطح پر ہونے کے باوجود حکومت نے ایل پی جی سلنڈر کی قیمت میں 50 روپۓ کا اضافہ کیا اور ایندھن پر مزید 2 روپۓ ایکسائز ڈیوٹی عائد کر دی۔

KTR کا طنز: یہ ’اچھے دن‘ کا انجام یا ’Make India Great Again‘ کی شروعات؟

اپنے بیان میں KTR نے نشاندہی کی کہ صرف ایک دن میں بازار سے 19 لاکھ کروڑ روپۓ کا سرمایہ صاف ہو گیا، جو کہ سنسیکس میں شدید گراوٹ کی وجہ سے ہوا۔ انہوں نے سوال اٹھایا کہ “کیا یہ اچھے دن کی باقیات ہیں یا ’Make India Great Again‘ کی شروعات؟”

یہ تبصرہ ایسے وقت پر سامنے آیا ہے جب مہنگائی اور معیشت کی بگڑتی صورت حال پر عوامی ناراضگی بڑھتی جا رہی ہے، اور اپوزیشن جماعتیں مرکز کی معاشی پالیسیوں پر حملے تیز کر رہی ہیں۔

KTR کے اس بیان کو سیاسی حلقوں میں مرکز کے خلاف بڑھتی ہوئی مہم کا حصہ قرار دیا جا رہا ہے، جو عوامی مسائل کو اجاگر کرنے کی کوششوں کا تسلسل ہے۔

While we await for the promised Acche Din, NDA government delivered a single day hattrick!!

The BJP led government has increased the price of LPG cylinders by ₹50 and imposed an additional ₹2 excise duty on fuel, despite historically low international oil rates

And 19 lakh…

— KTR (@KTRBRS) April 8, 2025