حیدرآباد: تلنگانہ کے ضلع گجویل منڈل کے کوڈکونڈلا کے قریب کونڈا پوچمّا کینال پر بدھ کے روز Mallanna Sagar آبی ذخیرے سے پانی جاری نہ کیے جانے کے خلاف بھارت راشٹرا سمیتی (بی آر ایس) قائدین نے احتجاجی دھرنا منظم کیا۔
حلقہ انچارج پرتاپ ریڈی کی قیادت میں منعقدہ اس احتجاج میں کانگریس حکومت پر الزام عائد کیا گیا کہ وہ کسانوں کے خلاف انتقامی رویہ اختیار کرتے ہوئے ملاّنہ ساگر کا پانی جاری کرنے سے گریز کر رہی ہے، جو کہ سابق وزیر اعلیٰ کے چندر شیکھر راؤ کے دور حکومت میں بہم پہنچایا جاتا تھا۔
اجتماع سے خطاب کرتے ہوئے پرتاپ ریڈی نے کہا کہ ریونت ریڈی حکومت کسانوں کی روزی روٹی سے کھیل رہی ہے۔ اگر تین دن کے اندر پانی جاری نہیں کیا گیا تو بی آر ایس پارٹی سابق وزیر ہریش راؤ کی قیادت میں ریاست گیر سطح پر زبردست احتجاج شروع کرے گی۔
انہوں نے کہا کہ دھان کی کاشت کرنے والے کسان بارش کے لیے دعائیں کرنے پر مجبور ہیں، جب کہ حکومت ان کی حالت زار پر کوئی توجہ نہیں دے رہی۔ مظاہرین نے مطالبہ کیا کہ آبی ذخائر سے فوری طور پر پانی اٹھا کر کینالوں کے ذریعے کوڈویلی واگو اور ہلدی ندی میں چھوڑا جائے تاکہ وناکالم کی فصل بچائی جا سکے۔
احتجاج میں سابق اے ایم سی چیئرمین ماداسو سرینواس، سینئر قائدین پنداری رویندر راؤ اور دیگر مقامی رہنما بھی شامل تھے، جنہوں نے حکومت پر کسان دشمن پالیسیوں پر سخت تنقید کی اور فوری کارروائی کا مطالبہ کیا۔
మల్లన్న సాగర్ నుండి నీటిని విడుదల చేయాలని కోరుతూ.. వానాకాలం పంటకోసం మల్లన్న సాగర్ జలలాను కొడకండ్ల కెనాల్ వద్ద కూడవెల్లి వాగులోకి నీటిని వదిలి రైతుల పంట పొలాలకు నీళ్ళు ఇవ్వాలని బీఆర్ఎస్ పార్టీ నియోజకవర్గ ఇన్ఛార్జ్ వంటేరు ప్రతాప్ రెడ్డి ఆధ్వర్యంలో కాంగ్రెస్ ప్రభుత్వాన్ని డిమాండ్… pic.twitter.com/pLHH1ts96z
— BRS Party (@BRSparty) July 16, 2025
