حیدرآباد: بی آر ایس کے رکن اسمبلی ٹی۔ ہریش راؤ نے جمعہ کے روز ممتاز آبپاشی انجینئر [en]Nawab Ali Nawaz Jung[/en] بہادر کو زبردست خراج عقیدت پیش کیا، اور انہیں تلنگانہ کی آبپاشی تاریخ کا معمار قرار دیا۔
سابق وزیر نے نواب علی نواز جنگ بہادر کی یوم پیدائش کے موقع پر سوشیل میڈیا پلیٹ فارم X پر اپنے پیغام میں کہا کہ نواب علی نواز جنگ انجینئرنگ کے شعبے میں ایک عظیم شخصیت تھے، جن کا مقام سر آرتھر کاٹن، ایم۔ وسویشوریا اور کے ایل راؤ جیسے ماہرین کے برابر ہے۔ انہوں نے کہا کہ تلنگانہ کو فخر ہے کہ ایسی نابغہ روزگار شخصیت یہاں پیدا ہوئی۔
ہریش راؤ نے نواب علی نواز جنگ کی جانب سے تعمیر کردہ نظام ساگر پراجیکٹ کا ذکر کرتے ہوئے کہا کہ بی آر ایس حکومت نے کالیشورم پراجیکٹ کے ذریعہ اس تاریخی ذخیرے کو دوبارہ زندہ کیا۔ انہوں نے یاد دلایا کہ سابق چیف منسٹر کے چندر شیکھر راؤ نے ہی پہلی بار علی نواز جنگ کی یوم پیدائش کو “تلنگانہ انجینئرز ڈے” کے طور پر منانے کا فیصلہ کیا، تاکہ ان کا کارنامہ آنے والی نسلوں تک پہنچے۔
ہریش راؤ نے ریاست کی تعمیر نو میں انجینئروں کے رول کو سراہتے ہوئے نوجوان پیشہ ور افراد سے اپیل کی کہ وہ نواب علی نواز جنگ کی خدمات سے تحریک حاصل کریں۔ انہوں نے تمام انجینئروں کو یوم انجینئرز کی مبارکباد پیش کی۔
తెలంగాణ సాగునీటి ప్రాజెక్టులకు ఆద్యుడు, ఇరిగేషన్ రంగంలో చెరగని ముద్ర వేసిన ప్రఖ్యాత ఇంజనీరు నవాబ్ అలీ నవాజ్ జంగ్ బహదూర్ గారి జయంతి సందర్భంగా వారికి ఘన నివాళి.
సర్ ఆర్థర్ కాటన్, కేఎల్ రావు, మోక్షగుండం విశ్వేశ్వరయ్య వంటి దిగ్గజాల సరసన నిలిచిన గొప్ప ఇంజినీర్ మన తెలంగాణలో… pic.twitter.com/H1POizlbNQ
— Harish Rao Thanneeru (@BRSHarish) July 11, 2025
