حیدرآباد: آندھرا پردیش کے سابق وزیراعلیٰ اور تلگو سینما کے عظیم اداکار NTR کی 102ویں جینتی پر وزیر اعظم نریندر مودی اور وزیراعلیٰ این چندرابابو نائیڈو نے شاندار خراج عقیدت پیش کیا۔ دونوں قائدین نے این ٹی آر کو ایک ایسی شخصیت قرار دیا جنہوں نے نہ صرف فلمی دنیا بلکہ سیاست میں بھی عوامی خدمت کا نیا تصور متعارف کرایا۔
وزیر اعظم مودی نے سماجی پلیٹ فارم ایکس پر اپنے پیغام میں این ٹی آر کی عوامی زندگی میں خدمات کو یاد کرتے ہوئے لکھا کہ وہ ایک بلند قامت عوامی رہنما تھے جنہوں نے پسماندہ طبقات کے لیے کام کیا۔ ان کا کہنا تھا کہ وہ لوگوں کے لیے جیتے تھے، خاص طور پر غریبوں اور پچھڑے طبقات کے لیے۔ ان کی فلمیں آج بھی لوگوں کو محظوظ کرتی ہیں اور ان کا وژن آج بھی رہنمائی کرتا ہے۔ مودی نے مزید کہا کہ آندھرا پردیش میں این ڈی اے حکومت، چندرابابو نائیڈو کی قیادت میں، این ٹی آر کے نظریات کو آگے بڑھانے کے لیے کام کر رہی ہے۔
وزیراعلیٰ چندرابابو نائیڈو، جو این ٹی آر کے داماد اور ان کے قائم کردہ تیلگو دیشم پارٹی کے موجودہ صدر ہیں، نے انہیں ایک ثقافتی علامت، سماجی اصلاح کار اور تلگو عوام کو عالمی سطح پر شناخت دلانے والی شخصیت قرار دیا۔ انہوں نے کہا کہ این ٹی آر ایک بہادر رہنما تھے جنہوں نے روٹی، کپڑا اور مکان جیسے بنیادی حقوق کو حکمرانی کا مرکز بنایا۔ خواتین کو جائیداد کے حقوق دینا ہو یا منڈل نظام کے ذریعے انتظامیہ کو نچلی سطح تک پہنچانا، این ٹی آر نے عوامی خدمت کے معنی ہی بدل دیے۔
حیدرآباد میں این ٹی آر کے پوتے، فلمی اداکار جونیئر این ٹی آر اور کلیان رام نے این ٹی آر گھاٹ پر پہنچ کر ان کے مزار پر پھول چڑھائے۔ خاندان کی جانب سے اس موقع پر ایک پر وقار اور جذباتی تقریب منعقد کی گئی، جس میں مداحوں اور پیروکاروں کی بڑی تعداد نے بھی شرکت کی۔
تقریب کے دوران بھیڑ کو سنبھالنے اور پُرامن انداز میں پروگرام مکمل کرنے کے لیے سیکیورٹی کے سخت انتظامات کیے گئے تھے۔
I pay homage to NTR Garu on his birth anniversary. He is widely admired for his efforts to serve society and empower the poor and downtrodden. His cinematic works also continue to enthral audiences. We are all deeply inspired by him.
The NDA Government in Andhra Pradesh, led by…
— Narendra Modi (@narendramodi) May 28, 2025
#NTRLivesOn
యుగపురుషుడు, విశ్వవిఖ్యాత నటసార్వభౌముడు, తెలుగు వారి ఆరాధ్య దైవం, తెలుగు ప్రజల ఆత్మగౌరవాన్ని ప్రపంచానికి చాటి చెప్పిన మహనీయుడు, సంక్షేమానికి కొత్త బాట చూపిన సంఘ సంస్కర్త, ‘అన్న’ నందమూరి తారక రామారావు 102వ జయంతి సందర్భంగా ఘన నివాళి అర్పిస్తున్నాను. పేద ప్రజలకు కూడు,… pic.twitter.com/wcneOZD7CX— N Chandrababu Naidu (@ncbn) May 28, 2025
