حیدرآباد: پون کلیان کے چھوٹے بیٹے مارک شنکر سنگاپور کے ایک اسکول میں پیش آئے آگ کے حادثے میں زخمی ہوگئے۔ اطلاعات کے مطابق، ان کے ہاتھوں اور پیروں پر معمولی زخم آئے، جب کہ دھویں کے زیادہ مقدار میں سانس کے ذریعے اندر جانے سے صحت پر منفی اثر پڑا۔
چار دن علاج کے بعد مارک شنکر کی حالت مستحکم بتائی گئی ہے۔ صحتیابی کے بعد، پون کلیان اور ان کی اہلیہ آنا لیزنیوا مارک کے ساتھ حیدرآباد واپس پہنچے۔ ان کی آمد کی تصاویر اور ویڈیوز سوشل میڈیا پر وائرل ہو رہی ہیں۔
مارک کی صحتیابی کے بعد، پون کلیان اور آنا لیزنیوا پیر کی صبح تیروملا مندر میں درشن کے لیے روانہ ہونے والے ہیں۔ وہ درشن کے بعد خصوصی پوجا میں بھی شریک ہوں گے۔
پون کلیان نے اپنے بیٹے کی صحتیابی پر خوشی کا اظہار کرتے ہوئے تمام خیر خواہوں، پارٹی کارکنوں، مداحوں، اور سیاسی قائدین کا شکریہ ادا کیا جنہوں نے دعائیں کیں اور حوصلہ بڑھایا۔
انہوں نے ایک ٹویٹ میں بتایا کہ مارک کو دھویں کی وجہ سے برونکو اسکوپی کروانی پڑی، کیوں کہ دھواں ان کے حلق، سانس کی نالی اور پھیپھڑوں تک پہنچ گیا تھا۔
