حیدرآباد: سکندرآباد ریلوے اسٹیشن پر بدھ کی صبح ایک مشترکہ کارروائی کے دوران دو خطرناک Serial Snatchers Secunderabad کو گرفتار کر لیا گیا، جن کے قبضے سے 11.46 لاکھ روپئے مالیت کے پگھلائے گئے سونے کے زیورات برآمد ہوئے۔
گرفتار ملزمان کی شناخت 27 سالہ تمبالہ نتن (ضلع بھدراچلم کوتہ گوڑم) اور 35 سالہ اندیرالا راجیش (ضلع نظام آباد) کے طور پر کی گئی ہے۔ دونوں کو صبح 6 بجے کے قریب پلیٹ فارم نمبر 1، گیٹ نمبر 2 کے نزدیک مشتبہ حالت میں روکا گیا۔ تفتیش کے بعد انکشاف ہوا کہ دونوں پیشہ ور مجرم ہیں، جن پر چین اسنیچنگ اور چوری کے کئی مقدمات درج ہیں۔
پولیس کے مطابق، نتن اور راجیش 2009 سے ایک دوسرے کے قریبی ساتھی ہیں۔ وہ پہلے ڈرائیور کے طور پر کام کرتے تھے لیکن بعد میں قمار بازی، آن لائن بیٹنگ اور دیگر عادات کی خاطر جرائم کا راستہ اختیار کیا۔ نتن کے خلاف جائیداد سے متعلق 23 مقدمات درج ہیں، جب کہ راجیش پر 16 مقدمات اور جیل کی کئی سزائیں ماضی میں عائد ہو چکی ہیں۔
اس تازہ کارروائی میں دونوں کے قبضے سے 114.6 گرام پگھلا ہوا سونا برآمد کیا گیا، جس کا تعلق کم از کم چار چین اسنیچنگ وارداتوں اور دو چوریوں سے جوڑا گیا ہے، جو رواں سال سکندرآباد ریلوے پولیس اسٹیشن کی حدود میں رپورٹ ہوئیں۔
یہ گرفتاری گورنمنٹ ریلوے پولیس (GRP) کے ایس ایچ او بی. سائی ایشور گوڑ اور ریلوے پروٹیکشن فورس (RPF) کے انسپکٹر بھوانی شنکر سارسوت کی قیادت میں کی گئی، جب کہ مجموعی کارروائی سپرنٹنڈنٹ آف ریلوے پولیس چندنا دیپتی (آئی پی ایس) کی نگرانی میں انجام پائی۔
انسپکٹر جنرل آف پولیس (ریلوے اینڈ روڈ سیفٹی) کے. رمیش نائیڈو (آئی پی ایس) نے ٹیم کی ستائش کی اور جلد انعامات کا اعلان کرنے کی یقین دہانی کرائی۔
دونوں ملزمان کو عدالتی تحویل میں بھیج دیا گیا ہے اور مزید تفتیش جاری ہے۔
