حیدرآباد: تلنگانہ کے مختلف علاقوں میں گرمی کی شدت میں اضافہ دیکھا جا رہا ہے، جہاں درجہ حرارت معمول سے 3 سے 4 ڈگری زیادہ ریکارڈ کیا جا رہا ہے۔ محکمہ موسمیات کے مطابق ریاست کے کئی مقامات پر دن اور رات کے درجہ حرارت میں غیر معمولی اضافہ ہوا ہے، جو فروری کے مہینے میں غیر متوقع ہے۔
ماہرین موسمیات نے بتایا کہ اگلے تین دنوں تک یہی صورتحال برقرار رہ سکتی ہے، جبکہ مارچ کے پہلے ہفتے سے گرمی کی شدت میں مزید اضافے کا امکان ہے۔ عوام کو شدید گرمی سے بچنے کے لیے ضروری احتیاطی تدابیر اختیار کرنے کا مشورہ دیا گیا ہے۔
رپورٹس کے مطابق، تلنگانہ میں رات کا درجہ حرارت 32 سے 33 ڈگری سلسیس تک پہنچ چکا ہے، جبکہ اقل ترین درجہ حرارت 18 سے 22 ڈگری سلسیس کے درمیان ریکارڈ کیا جا رہا ہے، جو عام حالات سے زیادہ ہے۔ موسمیاتی ماہرین کے مطابق، فروری میں عام طور پر خنکی محسوس کی جاتی ہے، لیکن اس سال کے اواخر میں ہی گرمی کی شدت میں غیر معمولی اضافہ دیکھا جا رہا ہے۔
