حیدرآباد: تلنگانہ کے ونپرتی ضلع کے کونور گاؤں میں واقع شیوکیسوا ریڈی پولٹری فارم میں تقریباً 2000 مرغیاں مردہ پائی گئیں، جس کے بعد مقامی افراد میں تشویش پیدا ہوگئی۔ پڑوسی ریاستوں میں برڈ فلو کے کیسز سامنے آنے کے باعث یہ واقعہ اہمیت اختیار کر گیا ہے۔
واقعے کی اطلاع ملتے ہی ضلع ویٹرنری آفیسر وینکٹیشور ریڈی نے موقع پر پہنچ کر پولٹری فارم کا معائنہ کیا۔ ابتدائی جانچ کے بعد انہوں نے کہا کہ مرغیوں کی موت کی اصل وجہ لیب رپورٹ آنے کے بعد معلوم ہوگی۔
حکام نے مقامی آبادی کو یقین دلایا کہ انسانوں میں برڈ فلو پھیلنے کا کوئی فوری خطرہ نہیں ہے۔ اس دوران احتیاطی تدابیر کے طور پر مردہ مرغیوں کے نمونے لیبارٹری بھیج دیے گئے ہیں اور مزید تحقیقات جاری ہیں۔
