تلنگانہ اے سی بی نے عادل آباد اور میدک میں رشوت خوری کے الزام میں دو عہدیداروں کو گرفتار کیا

حیدرآباد: تلنگانہ اینٹی کرپشن بیورو کے عہدیداروں نے عادل آباد اور میدک میں دو سرکاری ملازمین کو رشوت خوری کے مختلف مقدمات میں گرفتار کرلیا۔

عادل آباد میں رشوت کا معاملہ

جِنّمور شنکر، جو کہ ایجوکیشنل اینڈ ویلفیئر انفراسٹرکچر ڈیولپمنٹ کارپوریشن ، عادل آباد ٹاؤن میں ڈپٹی ایگزیکٹیو انجینئر کے طور پر کام کر رہے تھے، کو اے سی بی نے 1,00,000 روپے رشوت طلب کرنے اور 50,000 روپے پہلی قسط کے طور پر قبول کرنے کے الزام میں رنگے ہاتھوں گرفتار کیا۔

یہ رشوت عادل آباد ٹاؤن میں اقلیتی رہائشی اسکول (گرلز) کی عمارت کی تعمیر کے لیے 2 کروڑ روپے کے بل کی منظوری کے لیے مانگی گئی تھی، جسے شکایت کنندہ نے مکمل کیا  تھا۔
ابتدائی طور پر شنکر نے 2,00,000 روپے رشوت طلب کی تھی، لیکن شکایت کنندہ کے اصرار پر اس نے اسے 1,00,000 روپے تک کم کر دیا۔

میدک میں رشوت کا معاملہ

ایک اور کیس میں، نکریکانتی جنا، جو کہ بلدیہ دفتر، میدک ٹاؤن اور ضلع میں ریونیو انسپکٹر کے طور پر تعینات تھے، کو 12,000 روپے رشوت لیتے ہوئے گرفتار کیا گیا۔
انہوں نے یہ رشوت 20,000 روپے میں طے کی تھی تاکہ اوپن پلاٹ کے انتقال (میوٹیشن) کے لیے ایک سرکاری انکوائری کرے اور اس کی رپورٹ میدک میونسپل کمشنر کو جمع کرائے۔
تلنگانہ اے سی بی نے عوام سے اپیل کی ہے کہ وہ بدعنوانی کی شکایات کے لیے ہیلپ لائن نمبر 1064 پر کال کریں۔