حیدرآباد: Telangana BJP پر سخت تنقید کرتے ہوئے ٹی پی سی سی صدر مہیش کمار گوڑ نے الزام لگایا ہے کہ بی جے پی قائدین عوام کو گمراہ کرنے اور جھوٹے الزامات کے ذریعے سیاست کرنے میں مصروف ہیں۔ انہوں نے کہا کہ بی جے پی کے پاس نہ کوئی ترقیاتی ایجنڈا ہے، نہ عوامی مسائل کا حل۔
مہیش کمار گوڑ نے کہا کہ تلنگانہ کے عوام بی جے پی کی دوغلی پالیسیوں سے بخوبی واقف ہو چکے ہیں، اور اب جھوٹے پروپیگنڈے سے ووٹ حاصل کرنا ممکن نہیں۔ انہوں نے کہا کہ کانگریس حکومت عوامی فلاح و بہبود کے لیے عملی اقدامات کر رہی ہے، جبکہ بی جے پی صرف سستی شہرت کی کوشش کر رہی ہے۔
ٹی پی سی سی صدر نے سوال اٹھایا کہ ریاست میں بی جے پی نے پچھلے دس برسوں میں عوامی مفاد میں کیا کام کیا؟ انہوں نے دعویٰ کیا کہ کانگریس حکومت نے مختصر مدت میں ہی کسانوں، طلبہ، خواتین، اور مزدور طبقات کے لیے قابلِ قدر اسکیمات کا آغاز کیا ہے۔
انہوں نے بی جے پی قائدین کو مشورہ دیا کہ وہ عوامی مسائل پر سنجیدگی سے غور کریں اور محض تنقید برائے تنقید سے گریز کریں۔ انہوں نے کہا کہ آنے والے انتخابات میں عوام بی جے پی کو مناسب جواب دیں گے۔
