حیدرآباد: تلنگانہ کے وزیر اعلی اے ریونت ریڈی نے ہولی کے خوشگوار موقع پر ریاست کے عوام کو دلی مبارکباد پیش کی۔ انہوں نے نیک خواہشات کا اظہار کرتے ہوئے کہا کہ ہر کوئی اس رنگوں کے تہوار کو خوشی اور محبت کے ساتھ منائے۔
وزیر اعلی نے کہا کہ ہولی ایک ایسا تہوار ہے جو ذات پات اور مذہب کی حدود سے بالاتر ہو کر اتحاد اور ہم آہنگی کی علامت بن جاتا ہے۔ انہوں نے عوامی حکومت کی جانب سے تمام برادریوں کی فلاح و بہبود اور ترقی کے عزم کو دہرایا تاکہ ریاست میں مساوی ترقی کو یقینی بنایا جا سکے۔
ریونت ریڈی نے امید ظاہر کی کہ یہ تہوار تلنگانہ کے ہر خاندان کے لیے خوشحالی، خوشی اور مثبت توانائی کا پیغام لائے گا، اور بھائی چارے و یکجہتی کو مزید مضبوط کرے گا۔
