حیدرآباد: [en]Telangana Engineers Day[/en] کے موقع پر بی آر ایس کے ورکنگ صدر کے ٹی راما راؤ نے جمعہ کے روز ممتاز انجینئر نواب علی نواز جنگ بہادر کو زبردست خراج عقیدت پیش کیا۔ انہوں نے کہا کہ نواب علی نواز جنگ کی خدمات آج بھی تلنگانہ کی آبپاشی اور انفرا اسٹرکچر کا بنیادی ستون ہیں۔
سوشیل میڈیا پلیٹ فارم X پر اپنے پیغام میں کے ٹی راما راؤ نے نواب علی نواز جنگ کو آبی نظم و نسق کا ماہر قرار دیا، جنہوں نے کئی کلیدی پراجیکٹس کی منصوبہ بندی کی جو آج بھی زرعی اور پینے کے پانی کی ضروریات کو پورا کر رہے ہیں۔
نواب علی نواز جنگ کے نمایاں منصوبوں میں عثمان ساگر، حمایت ساگر، نظام ساگر، ڈنڈی، کوئل ساگر، کڈم، پوچم پاڈو اور لوئر مانیر ڈیم شامل ہیں۔ علاوہ ازیں، انہوں نے عثمانیہ یونیورسٹی آرٹس کالج، آصفیہ کتب خانہ (آفضل گنج) اور عثمانیہ جنرل ہاسپٹل جیسے تاریخی اداروں کے قیام میں بھی اہم کردار ادا کیا۔
کے ٹی آر نے یاد دلایا کہ سابق چیف منسٹر کے چندر شیکھر راؤ نے 2014 میں 11 جولائی کو “تلنگانہ انجینئرز ڈے” کے طور پر منانے کا اعلان کیا تھا، تاکہ نواب علی نواز جنگ کی گراں قدر خدمات کو یاد رکھا جا سکے۔
انہوں نے ریاست بھر کے انجینئروں کو مبارکباد پیش کرتے ہوئے کہا کہ نواب علی نواز جنگ بہادر، تلنگانہ کی انجینئرنگ روایت کی روشن علامت ہیں اور آنے والی نسلوں کے لیے ایک مشعل راہ ہیں۔
తెలంగాణ బిడ్డల ఇంజనీరింగ్ ప్రతిభకు తార్కాణం నవాబ్ అలీ నవాజ్ జంగ్ బహాదుర్.
తెలంగాణ నీటిపారుదల రంగానికి విశేషమైన సేవలందించిన గొప్ప ఇంజనీర్ నవాబ్ అలీ నవాబ్ జంగ్ బహాదుర్ గారు.. తన దార్శనికతతో భవిష్యత్ సాగు, తాగునీటి అవసరాలకు అందేలా భారీ ప్రాజెక్టులకు రూపకల్పన చేశారు.
ఉస్మాన్… pic.twitter.com/C2c7ULpydQ
— KTR (@KTRBRS) July 11, 2025
