حیدرآباد: بچوپلی کے وجیادرگا اونرز ایسوسی ایشن کالونی میں بدھ کی صبح اس وقت سنسنی پھیل گئی جب پولیس کو ایک زیر تعمیر عمارت کے قریب پڑے بیگ سے ایک Unidentified Body Bachupally نامعلوم خاتون کی لاش برآمد ہوئی، جس سے قتل کا شبہ ظاہر کیا جا رہا ہے۔
مقامی رہائشیوں نے بچوپلی پولیس کو اطلاع دی کہ ریڈیز لیب کی دیوار کے پاس تعمیراتی مقام پر پڑے ایک بیگ سے شدید بدبو آ رہی ہے۔ پولیس نے فوری کارروائی کرتے ہوئے بیگ کو کھولا، تو اس میں ایک نامعلوم خاتون کی لاش برآمد ہوئی، جس کی عمر تقریباً 25 سے 35 سال کے درمیان بتائی جا رہی ہے۔ خاتون نے میرون رنگ کا پنجابی ڈریس پہن رکھا تھا۔
ڈی سی پی بالانگر زون کے سریش کمار (آئی پی ایس) کی نگرانی میں ماہر ٹیمیں اس کیس کی گہرائی سے جانچ کر رہی ہیں۔ ابتدائی شواہد کے مطابق معاملہ قتل کا معلوم ہوتا ہے۔
پولیس نے عوام سے اپیل کی ہے کہ اگر کسی کو اس خاتون کے بارے میں کوئی اطلاع ہو تو وہ فوری طور پر بچوپلی پولیس اسٹیشن سے رجوع کرے، تاکہ اس کی شناخت اور موت کی اصل وجہ سامنے آ سکے۔
