حیدرآباد: کے پی ایچ بی کالونی کے ایک ویمنز پی جی ہاسٹل میں مقیم 25 سالہ خاتون جمعرات کی شام سے لاپتہ Woman Missing ہے، جس کے بعد پولیس نے معاملے کی تفتیش شروع کر دی ہے۔
لاپتہ خاتون کی شناخت کے دیپیکا کے طور پر کی گئی ہے، جو ضلع ورنگل سے تعلق رکھتی ہیں۔ وہ یکم جون سے روڈ نمبر 2 پر واقع وی آر ویمنز پی جی ہاسٹل میں مقیم تھیں۔
پولیس کے مطابق، دیپیکا جمعرات کو شام تقریباً 5:30 بجے ہاسٹل سے باہر نکلی تھیں اور اس کے بعد واپس نہیں آئیں۔ ہاسٹل انتظامیہ نے جب ان سے رابطہ کرنے کی کوشش کی اور ناکام رہے تو ان کے خاندان کو اطلاع دی۔
جمعہ کو دیپیکا کے بھائی نے کے پی ایچ بی پولیس اسٹیشن میں شکایت درج کروائی۔ پولیس کا کہنا ہے کہ انہوں نے خاتون کی گمشدگی کی تحقیقات کا آغاز کر دیا ہے اور مختلف پہلوؤں پر غور کیا جا رہا ہے۔
