حیدرآباد:
مس ورلڈ کے مقابلے میں شریک عالمی حسیناوں کے چارمینار اور لاڈ بازار کے دورے سے قبل پیر کے روز حیدرآباد پولیس نے ایک مکمل سکیورٹی مشق انجام دی، جس کی قیادت پولیس کمشنر سی وی آنند نے کی۔
یہ مشق شہر کے دو سب سے مصروف اور تاریخی مقامات پر کی گئی، جہاں متوقع ہجوم اور سکیورٹی چیلنجز کے پیش نظر ہر زاویے پر نظر رکھی گئی۔ مشق کا اختتام چومحلہ پیلس پر ہوا، جہاں مہمانوں کو حیدرآباد کی شاہی تاریخ کا مشاہدہ کرایا جائے گا۔
یہ دورہ بھارت میں جاری مس ورلڈ ٹور کا حصہ ہے، جس کا مقصد ریاست کی ثقافتی وراثت کو عالمی سطح پر پیش کرنا ہے۔
پولیس کمشنر سی وی آنند کے مطابق سکیورٹی کے ہر پہلو کا باریکی سے جائزہ لیا گیا اور تمام سٹاف، ایونٹ منتظمین، اور پس پردہ ٹیموں کی مکمل جانچ کی گئی۔ انہوں نے کہا کہ ہم نے ہر چیز کو زمینی سطح پر، حقیقی وقت میں آزمایا تاکہ کسی بھی قسم کی کوتاہی نہ رہے۔
قانون و نظم اور ٹریفک محکمے کی ٹیمیں موقع پر تعینات کی گئیں تاکہ مکمل سکیورٹی نظام کی جانچ ممکن ہو۔ ہر مقام پر افسران نے خود جاکر سکیورٹی امور کا جائزہ لیا اور فوری طور پر درپیش مسائل کو حل کیا گیا۔
اس مشق کا مقصد مہمانوں کے ہائی پروفائل دورے کے دوران کسی بھی بدنظمی سے بچاؤ اور چارمینار و لاڈ بازار جیسے گنجان علاقوں میں بھیڑ کو مؤثر طریقے سے کنٹرول کرنا تھا۔
چارمینار اور لاڈ بازار میں مس ورلڈ مقابلوں میں حصہ لینے والی حسیناؤں کے آنے والے ایونٹ کا جامع ڈرائی رن مکمل کیاگیا۔ اس پروگرام کے بعد حیدرآباد اور تلنگانہ کے ورثے کو اجاگر کرنے کے لیے چوموہلہ محل کا دورہ ہوگا۔
Did a full dry run of the Miss World contestants upcoming event at Charminar and Laad Bazaar shopping and then at Chowmohallah Palace to showcase the heritage of #Hyderabad and Telangana.
Layered Security,verification of antecedents of all those involved, the law & order and… pic.twitter.com/oeCDvLPcdf
— CV Anand IPS (@CVAnandIPS) May 12, 2025