سی پی آئی(ایم) کا سمپت کی حراستی موت پر غیر جانبدار عدالتی تحقیقات کا مطالبہ

حیدرآباد: کمیونسٹ پارٹی آف انڈیا (مارکسسٹ) [سی پی آئی(ایم) نے جگتیال ضلع کے رہائشی سمپت کی حراستی موت پر غیر جانبدار تحقیقات کا مطالبہ کیا ہے۔ ریاستی سیکرٹری جان ویسلی نے ریاستی حکومت سے فوری ردعمل ظاہر کرنے اور ایک بر سرکار جج کی سربراہی میں جامع تحقیقات کرنے کی اپیل کی ہے۔ سمپت کو بے روزگار افراد کو بیرون ملک ملازمتیں دلانے کے وعدے پر دھوکہ دینے کے الزامات پر نظام آباد سائبر کرائم پولیس افسران نے حراست میں لیا تھا۔ تفتیش کے دوران، وہ مبینہ طور پر اچانک انتقال کر گئے۔ خاندانی افراد نے الزام لگایا ہے کہ سمپت کو پولیس حراست میں شدید جسمانی تشدد کا نشانہ بنایا گیا، جس کے نتیجے میں ان کی موت واقع ہوئی، اور ان کے جسم پر نمایاں زخم تھے۔ انہوں نے یہ بھی دعویٰ کیا کہ انہیں ان سے ملنے کی اجازت نہیں دی گئی۔ جان ویسلی نے زور دیا کہ تفتیش کے بہانے پولیس کی بربریت معاشرے کو منفی پیغام دیتی ہے۔ انہوں نے چیف منسٹر سے مطالبہ کیا کہ وہ ایک برسر کار جج کے ذریعے تحقیقات کا آغاز کریں اور سمپت کی موت کے ذمہ دار پائے جانے والے افسران کے خلاف سخت کارروائی کریں۔