حیدرآباد: تلنگانہ کے علاقے بالاپور میں Students Drug Overdose کا افسوسناک واقعہ پیش آیا، جہاں نشہ آور ادویات کے استعمال سے ایک طالب علم ہلاک اور دو کی حالت تشویشناک ہے۔
بالاپور پولیس کے مطابق، 17 سالہ محمد عبدالنصر، جو ایم ایس کالج میں انٹرمیڈیٹ کا طالب علم تھا، اپنے دوستوں کے ساتھ مل کر نشہ آور گولیاں اور انجیکشن استعمال کرتا تھا۔ یہ ادویات وہ شاہین نگر کے ساکن ساحل نامی شخص سے خریدتے تھے۔ 17 اپریل کو، نصر نے اپنے دوستوں کے ساتھ نشہ آور ادویات استعمال کیں، جس کے بعد تینوں بے ہوش ہو گئے۔
نصر کو فوری طور پر عثمانیہ اسپتال منتقل کیا گیا، جہاں وہ علاج کے دوران دم توڑ گیا۔ دیگر دو طلبہ کو اویسی اسپتال میں داخل کیا گیا، جہاں ان کی حالت نازک بتائی جا رہی ہے۔ پولیس نے نصر کی موت کو اوور ڈوز کا نتیجہ قرار دیتے ہوئے تحقیقات کا آغاز کر دیا ہے۔ ساحل کے خلاف مقدمہ درج کر لیا گیا ہے، اور یہ جاننے کی کوشش کی جا رہی ہے کہ وہ یہ نشہ آور ادویات کہاں سے حاصل کرتا تھا اور کتنے لوگوں کو فروخت کرتا تھا۔
یہ واقعہ طلبہ میں منشیات کے بڑھتے ہوئے استعمال کی سنگینی کو ظاہر کرتا ہے۔