حیدرآباد: انڈیا میٹرولوجیکل ڈپارٹمنٹ (آئی ایم ڈی) کے مطابق تلنگانہ میں آئندہ دو دن تک موسم خشک رہے گا، تاہم یکم مئی سے 5 مئی کے درمیان بعض علاقوں میں ہلکی سے درمیانی بارش ہونے کا امکان ہے۔
محکمۂ موسمیات کی پیش گوئی کے مطابق عادل آباد، جگتیال، جوگولامبا گدوال، کاماریڈی، کومرم بھیم آصف آباد، محبوب نگر، منچرالب، نرمل، نظام آباد، اور راجنا سرسلہ جیسے اضلاع میں زیادہ سے زیادہ درجہ حرارت 41 سے 44 ڈگری سیلسیس کے درمیان رہنے کی توقع ہے۔
ریاست کے دیگر اضلاع میں درجہ حرارت 36 سے 40 ڈگری سیلسیس کے درمیان رہنے کا امکان ہے۔
راجنا سرسلہ ضلع میں گرمی کی شدت کے پیش نظر حکام نے عوام کو مشورہ دیا ہے کہ وہ صبح 10 بجے سے شام 4 بجے کے درمیان بلا ضرورت گھروں سے باہر نکلنے سے گریز کریں۔